Convair F-106 Delta Dart

in Wikipedia, die vrye ensiklopedie
Jump to navigation Jump to search
Convair F-106 Delta Dart
194thFIS-F-106-58-0797-ADC-CA-ANG (modified).png
'n Convair F-106 van die California Air National Guard
Tipe Vegvliegtuig
Vervaardiger Convair
Nooiensvlug 26 Desember 1956
Bekendstelling Junie 1959
Onttrek Augustus 1988 (ANG); 1998 (NASA)
Status Uit diens onttrek.
Hoofgebruikers Amerikaanse Lugmag
Air National Guard
Aantal gebou 342
Eenheidskoste US$4.7 miljoen (1973)
Ontwikkel van Convair F-102 Delta Dagger

Die Convair F-106 Delta Dart is 'n Amerikaanse vegvliegtuig wat in 'n onderskeppingsrol gebruik is. Die vliegtuig is ontwikkel uit die Convair F-102 Delta Dagger waar dit eers bekend gestaan het as die die F-102B. Vertragings in die motor en elektronika het tot gevolg gehad dat die F-102 ontwikkel is as 'n tussentydse maatreël. Terwyl die F-102 ontwikkel is het die spesifikasie vir die F-106 strawwer geraak, die voorgestelde vliegtuig moes vyandelike vliegtuie in alle weerstoestande kan onderskep tot op hoogtes van 21,335 m (70,000 voet) en Mach 2 onderskepping tot op 'n hoogte van 10,670 m (35,000 voet) kan maak.

Die resultate wat met prototipes tussen Desember 1956 en Februarie 1957 behaal is was teleurstellend. Die Amerikaanse Lugmag wou eers die program kanselleer maar verminder toe die bestelling van 1,000 na 350 weens begrotings beperkinge. Straalmotor en elektronika verbeterings verseker dat die vliegtuig die standaard bereik en die F-106A word in Oktober 1959 in diens gestel. Produksie word in Desember 1960 gestaak maar die F-106 bly in diens vir meer as 20 jaar. Dit was eers in 1988 by die Air National Guard uit diens gestel.

In die geval van 'n kontak met 'n vyandelike vliegtuig hanteer die Hughes MA-1 wapen beheer stelsel die hele proses: vanaf die radarsluit totdat die missiel afgevuur word. Die vlieënier is in werklikheid net 'n stelsel toesighouer. Van die wapens wat die vliegtuig kan dra sluit in twee Genie kernkrag lug-tot-lug missiele wat in die bomlaai gedra word. Die beheerstelsel sal die vlieënier 'n instruksie gee om die missiele te laai net voordat dit gevuur word.

Vanaf 1973 was die F-106 toegerus met multi-loop masjiengeweer, amper soos 'n Gatling roterende masjiengeweer. Die vlieëniers het bevestig dat dit lekker was om die vliegtuig te vlieg. Die hoogtepunt van die vliegtuig se loopbaan was toe 13 eskaders van die Air National Guard daarmee toegerus was.

Tegniese besonderhede[wysig | wysig bron]

Besonderhede van die Convair F-106A Delta Dart:
Item Statistiek
Aantal motors 1
Tipe motor Straalmotor
Vervaardiger Pratt & Whitney P-17 turbostraal met nabrander
Kraglewering per motor 11 113 kg stukrag met nabrander
Vlerkspan 11,67 m
Lengte 21,55m
Hoogte 6,18 m
Vlerkoppervlakte 64,8 m2
Maksimum opstygmassa 17 350 kg
Maksimum snelheid 2 393 km/h
Operasionele hoogte 17 680
Togafstand 3 138 km
Klimvermoë 9 144 m per minuut
Bewapening Een 20 mm kanon
vier Falcon lug-tot-lug missiele
en twee Genie ongeleide kernkrag vuurpyle

Sien ook[wysig | wysig bron]

Bron[wysig | wysig bron]