Costa de Oro
Die Costa de Oro, geleë in die Departamiento de Maldonado, is - naas Punta del Este en die Departamiento de Rocha - die gewildste vakansiekus van Uruguay (Suid-Amerika). Die "Goue Kus" bekoor met sy pragtige sandstrande en reusagtige duine, en baie strande word deur groen dennebome versier.
Die besigste vakansieoorde is Atlántida, Salinas, Parque del Plata en La Floresta. Die grootpad Ruta Interbalnearia verbind die Costa de Oro met die hoofstad Montevideo, en ook die internasionale lughawe Carrasco is binne maklike bereik. Die moderne infrastruktuur bied alle geriewe vir binne- en buitelandse besoekers soos hotelle, woonstelle, kampeerterreine, restourante, 'n kasino en die naglewe van 'n toeristegebied.