Cranachan

Cranachan (Skots-Gaeliese uitspraak: [ˈkʰɾan̪ˠəxan]) is 'n tradisionele Skotse nagereg wat van inheemse bestanddele berei word - crowdie ('n Skotse variant van maaskaas wat - as dit nie beskikbaar is nie - deur dubbeldikroom, slagroom of mascarpone vervang kan word), romerig geklitste slagroom, geroosterde hawermout, framboospuree, heide-heuning en Skotse whisky. Vir die beste resultaat word die hawermout in whisky ingeweek en daarna in 'n braaipan bruin gerooster totdat dit 'n neutagtige geur het.^[1] Cranachan word tradisioneel ter geleentheid van Burnsnag op 25 Januarie bedien wanneer Skotte die verjaarsdag van hul nasionale digter Robert Burns vier.

In sommige resepte word die whisky deur witwyn vervang. Indien die nagereg vir kinders berei word, kan die whisky deur vrugtesap vervang word.

Verwysings

↑ Timothy G. Roufs and Kathleen Smyth Roufs: Sweet Treats around the World. An Encyclopedia of Food and Culture. Santa Barbara, California | Denver, Colorado | Oxford, England: ABC-CLIO 2014, bl. 291

Eksterne skakels

Resepte

Media

Agtergrondinligting

[1] Timothy G. Roufs and Kathleen Smyth Roufs: Sweet Treats around the World. An Encyclopedia of Food and Culture. Santa Barbara, California | Denver, Colorado | Oxford, England: ABC-CLIO 2014, bl. 291

[1]