Crème fraîche

in Wikipedia, die vrye ensiklopedie
(Aangestuur vanaf Creme fraiche)
Aarbeie met crème fraîche
Crème fraîche

Crème fraîche (Frans vir "vars room") is 'n soort vars room, wat sy oorsprong in Frankryk het. Crème fraîche word uit koeimelk gemaak en het 'n vetgehalte van ten minste 30%, terwyl die melksuiker- of laktosegehalte verminder is tot hoogstens 15%.

Vir die vervaardiging van crème fraîche word room in groot tenks geplaas en met melksuurbakterieë vermeng. Ná sowat 18 tot 40 ure teen 'n temperatuur van 20-40 °C het die bakterieë die melksuiker (laktose) tot melksuur verwerk, wat aan die crème sy besonderse smaak verleen. Stabilisatore en ander bymiddels word nie by die vervaardiging toegelaat nie. Crème fraîche is nou verwant aan crème double, wat egter 'n hoër vetgehalte het en van soet room gemaak word.

Crème fraîche het 'n aangename, effens suur smaak en is 'n belangrike bestanddeel van die verfynde kookkuns, wat byvoorbeeld nie uitvlok sodra dit by warm geregte soos souse gevoeg word nie en ook – net soos slagroom – geklop kan word.