Gaan na inhoud

Cuckold

in Wikipedia, die vrye ensiklopedie
'n Rietsanger maak die kuiken van 'n Europese koekoek groot.

'n Cuckold of horingdraer[1][2][3] is die man van 'n owerspelige vrou of lewensmaat. In biologie is dit 'n man wat onwetend 'n kind grootmaak wat nie biologies syne is nie.[4] In seksuele fetisjisme is 'n cuckold aandadig aan sy maat se "ontrouheid". Die slengterm bull verwys na die dominante man wat 'n verhouding met die vrou het.

Etimologie

[wysig | wysig bron]

Die woord "cuckold" kom van die koekoek, wat sy eiers in die nes van ander voëls lê. [5][6] Dié verbinding is algemeen in folklore, letterkunde en ikonongrafie.

Die Engelse gebruik van die term het in 1250 die eerste keer in 'n Middeleeuse gedig, The Owl and the Nightingale, voorgekom.[7] Die woord impliseer dikwels dat die man bedrieg is; hy is onbewus van sy vrou se ontrouheid en weet dalk nie dis nie sy kind nie totdat dit gebore word (nes met koekoekvoëls).[6]

Horingdraer

[wysig | wysig bron]
'n Franse satire op die horingdraer uit 1815, met mans en vroue wat horings dra.

Die Afrikaanse term kom, nes in sommige ander Westerse tradisies, van die paringsgewoontes van takbokke, wat hulle maats verloor as hulle deur 'n ander mannetjie verslaan word.[8] Die man word "horings opgesit".

Cuck

[wysig | wysig bron]

'n Afgekorte vorm van cuckold, die term cuck, word deur die alternatiewe regse groep alt-right gebruik om die manlikheid van 'n teenstander aan te val. Dit is aanvanklik vir ander konserwatiewes gebruik.[9]

As 'n fetisj

[wysig | wysig bron]
The Jealous Husband (1847), 'n skildery deur Cornelius Krieghoff wat 'n cuckold uitbeeld.
"The Cuckold Carpenter Under the Bed of his Wife and her Lover", uit 'n 18de-eeuse uitgawe van die Persiese fabelversameling Kalīla wa-Dimna.

Ondanks die tradisionele definisie van die term, is 'n cuckold in seksuele fetisjisme[10][11] aandadig aan sy vrou of maat se "ontrouheid".[12][13][14] Die dominante man wat seks met die vrou het, word die "bull" genoem.[13][15]

So 'n daad kan die seksuele verhouding tussen die lewensmaats verbeter.[16] Die man word egter dikwels in die daad verneder. Die cuckold inisieer dikwels die deelname aan die fantasie, maar soms verkies hy dat die vrou dit doen. Die fantasie werk nie as die man teen sy wil verneder word nie.[17]

In sielkunde word cuckold-fetisjisme as 'n variasie van sadomasochisme beskou, met die cuckold wat plesier daaruit put om verneder te word.[18][19]

Verwysings

[wysig | wysig bron]
  1. ↑ "Cuckold" (Internetwoordeboek). Afrikaans-Engels/English-Afrikaans Woordeboek. Pharos. Besoek op 25 Mei 2025.
  2. ↑ "Horingdraer" (Internetwoordeboek). HAT. viva-afrikaans.org. Besoek op 25 Mei 2025.
  3. ↑ "Horingdraer" (Internetwoordeboek). WAT. viva-afrikaans.org. Besoek op 25 Mei 2025.
  4. ↑ Steven M. Platek; Todd K. Shackelford, reds. (2006). Female Infidelity and Paternal Uncertainty: Evolutionary Perspectives on Male Anti-Cuckoldry Tactics. New York: [ambridge University Press. ISBN 9781139458047.
  5. ↑ "cuckold". Online Etymology Dictionary. Besoek op 19 Desember 2016.
  6. ↑ 6,0 6,1 Williams, Janet (4 Julie 2009). "Cuckolds, horns and other explanations". BBC News. Besoek op 11 Februarie 2013.
  7. ↑ Geoffrey Hughes (26 Maart 2015). An Encyclopedia of Swearing: The Social History of Oaths, Profanity, Foul Language, and Ethnic Slurs in the English-speaking World. Taylor & Francis. pp. 191–. ISBN 978-1-317-47677-1.
  8. ↑ E. Cobham Brewer 1810–1897. Dictionary of Phrase and Fable. 1898.
  9. ↑ Stack, Liam (15 Augustus 2017). "Alt-Right, Alt-Left, Antifa: A Glossary of Extremist Language". The New York Times.
  10. ↑ Elizabeth Weiss (9 Augustus 2017). "The Cuckolding Fetish Explained: Why Some Men Actually *Want* to Be Cheated On". Marie Claire Magazine (in Engels). Besoek op 27 Junie 2022.
  11. ↑ Calhoun, Ada (14 September 2012). "You May Call It Cheating, but We Don't". The New York Times (in Engels (VSA)). ISSN 0362-4331. Besoek op 27 Junie 2022.
  12. ↑ Ley, David (2009). Insatiable Wives: Women Who Stray and the Men Who Love Them. Rowman & Littlefield. ISBN 978-1-4422-0031-9.
  13. ↑ 13,0 13,1 Kort, Joe (13 September 2016). "The Expanding Phenomenon Of Cuckolding: Even Gay Men Are Getting Into It". Huffington Post. Besoek op 19 Desember 2016.
  14. ↑ Harris, Lynn (5 September 2007). "What do you call a female cuckold?". Salon. Besoek op 19 Desember 2016.
  15. ↑ Lehmiller, Justin J.; Ley, David; Savage, Dan (2018). "The Psychology of Gay Men's Cuckolding Fantasies". Archives of Sexual Behavior (in Engels). 47 (4): 999–1013. doi:10.1007/s10508-017-1096-0. ISSN 0004-0002. PMID 29285655. S2CID 4722706.
  16. ↑ "A consequence of cuckoldry: More (and better) sex?". American Psychological Association. Oktober 2011. Besoek op 22 Oktober 2022.
  17. ↑ Klein, Donald C. (1 Desember 1999). "The humiliation dynamic: An overview". The Journal of Primary Prevention. 12 (2): 93–121. doi:10.1007/BF02015214. PMID 24258218. S2CID 43535241.
  18. ↑ Rufus, Anneli (29 Julie 2010). "Cuckolding: The Sex Fetish for Intellectuals". The Daily Beast. Besoek op 20 November 2021.
  19. ↑ Betchen, Stephen J. (18 November 2014). "Sexually Dominant Women and the Men Who Desire Them, Part II". Magnetic Partners blog post. Psychology Today.

Skakels

[wysig | wysig bron]
Ontsluit van "https://af.wikipedia.org/w/index.php?title=Cuckold&oldid=2782033"