Cundycleughpas
Die Cundycleughpas (soms Cundycloighpas) is ‘n pas in die Drakensberge tussen KwaZulu-Natal en die Vrystaat.
Hierdie pas is ten noorde van die Van Reenenspas en die De Beerspas en ten suide van die Mullerspas en Bothaspas en wes van die dorp Dundee. Van die pas af loop die reeks heuwels bekend as Biggarsberg eers oos en daarna suidoos verby Fort Mistake, Glencoe, Dundee en Wasbank.
In die Tweede Vryheidsoorlog het die moeilik begaanbare pas hom uitstekend geleen tot die guerilla-oorlogvoering.
Die naam van die pas is van Skotse oorsprong. ‘Cundie’ beteken ‘’n versteekte gat’ en ‘cleugh’ verwys na ‘n 'skerp op- en afdraand’. In die volksmond het dit heel gepas die ‘kan-nie-klou-pas’ geword.
Lees ook[wysig | wysig bron]
Bibliografie[wysig | wysig bron]
- Nienaber, P.J.: Suid-Afrikaanse Pleknaamwoordeboek, deel 1. Kaapstad: Tafelberg, 1971. ISBN 0-624-00097-4