Curtiss P-40 Warhawk

in Wikipedia, die vrye ensiklopedie
Spring na: navigasie, soek
Curtiss P-40 Warhawk
Curtiss P-40E Warhawk 2 USAF.jpg
'n Hawk 87A-3 by die National Museum of the United States Air Force
Tipe Vegvliegtuig
Vervaardiger Curtiss-Wright Corporation
Nooiensvlug 14 Oktober 1938
Onttrek (1958)
Status Uit diens gestel
Hoofgebruikers Amerikaanse Lugmag
Britse Lugmag
Koninklike Kanadese Lugmag
Koninklike Australiese Lugmag
Vervaardig 1939–1944
Aantal gebou 13 738
Ontwikkel van Curtiss P-36 Hawk

Die Curtiss P-40 Warhawk is 'n Amerikaanse vegvliegtuig wat deur die United States Army Air Forces gebruik is tydens die Tweede Wêreldoorlog. Die vliegtuig het heelwat verskil van die Curtiss voorgangers. Die Warhawk was toegerus met die Allison vloeistof verkoelde motor in stede van die lug verkoelde Wright Stermotor. Die Warhawk was ook meer aerodinamies as die Curtiss P-36 Hawk omrede gelykvlakkige klinknaels gebruik is om die vliegtuig te bou. Dit was die hoofvegter van die United States Army Air Forces se vegter eskaders.

Frankryk het ook 'n bestelling geplaas, maar die is aan Brittanje afgelewer na die val van Frankryk. Brittanje self het ook P-40's bestel en het dit die Tomahawk genoem. Die Allison motor kon egter nie die verwagte prestasie lewer wat die Britse Lugmag gesoek het nie en gevolglik is die vliegtuig gebruik vir laevlug verkenning. Eenhonderd van die Britse vliegtuie is aangestuur na die Amerikaanse Volunteer Groep in China waar hulle sukses teen Japannese vliegtuie behaal het.

Die P-40D het in Mei 1941 sy eerste vlug voltooi en was 'n groot verbetering met 'n nuwe, kragtiger Allison motor. Die neus se deursnit was verklein en die masjiengewere in die neus verwyder. Die bewapening het bestaan uit vier 12.7 mm masjiengewere in die vlerke met 'n bomrak wat onder die romp aangebring kon word om een 227 kg bom te kan dra.

Brittanje het van die P-40D bestel en dit die Kittyhawk genoem. Hierdie naam was soms vekeerdelik gebruik vir al die Warhawk vliegtuie. Teen hierdie tyd het die Warhawk begin agter raak teen die nuwe vegters. Tog was dit steeds voorsien aan die Amerikaanse Volunteer Groep in China waar dit steeds sukses behaal het. Ook in Noord-Afrika het die vliegtuig suskes behaal. Die Britse vlieënier, Neville Duke, het 12 vegvliegtuie afgeskiet in Noord-Afrika met die Warhawk.

Tegniese besonderhede[wysig | wysig bron]

Besonderhede van die Curtiss P-40N Kittyhawk IV:
Item Statistiek
Aantal motore 1
Tipe motor Skroef
Vervaardiger Allison V-1710-81 inlynenjin
Kraglewering per motor 1 360 perdekrag
Vlerkspan 11,42 m
Lengte 10,2 m
Hoogte 3,77 m
Vlerkoppervlakte 21,95 m2
Maks. opstygmassa 4 018 kg
Maks. snelheid 609 km/h
Operasionele hoogte 11 630 m
Togafstand 386 km
Klimvermoë 4,590m in 6 minute 42 sekondes
Bewapening Ses 12.7 mm masjiengewere in vlerke

voorsiening vir een 227 kg bom onder romp

Sien ook[wysig | wysig bron]

Bron[wysig | wysig bron]