D'Kar

in Wikipedia, die vrye ensiklopedie
Jump to navigation Jump to search
D'Kar
Dekar
Ligging van D'Kar op 'n kaart (Botswana)
D'Kar
D'Kar
Koördinate: 21°32′00″S 21°56′00″O / 21.53333°S 21.93333°O / -21.53333; 21.93333Koördinate: 21°32′00″S 21°56′00″O / 21.53333°S 21.93333°O / -21.53333; 21.93333
Land Vlag van Botswana Botswana
Distrik Ghanzi distrik
Bevolking (2011)
 - Dorp 1 668
Tydsone SAST (UTC+2)

D'Kar of Dekar is ’n dorpie in die distrik Ghanzi van Botswana. Dis sowat 40 km oos van die distriksetel, Ghanzi, geleë. Tydens die 2001-sensus was die bevolking 943, maar 10 jaar later het dit toegeneem tot 1 668.[1]

Agtergrond[wysig | wysig bron]

'n Leerlooiery op D'Kar.

D'Kar was ’n plaas van die Gereformeerde kerk Ghanzi, waar ’n gemeente van 1948 tot 1963 en weer van 1981 tot 1994 bestaan het, maar het in ’n plattelandse nedersetting ontwikkel nadat dit aan die Narosprekende San geskenk is. Die Christelike Gereformeerde Kerke in Nederland het die distrik Ghanzi in 1990 as sendingveld aanvaar ná ’n versoek van die Nederduitse Gereformeerde Kerk van D'Kar. Sendelinge is gestuur om die Bybel te vertaal, sendingwerk te doen en kerk te plant onder die Naro, hoewel die werk daardeur bemoeilik word dat die San gewoond daaraan is om gedurig rond te trek.

Hede[wysig | wysig bron]

Die dorpie word deur die NG Kerk bestuur. Dit het ’n winkel, motorhawe, skool en kliniek. Die hoofpad loop sowat 1 km by die dorpie verby, maar in die nedersetting self is net een teerstraat, die res is stofstrate. Een van die toeriste-aantreklikhede is Kuru, ’n San-projek met ’n winkel waar handgemaakte produkte van die plaaslike bevolking gekoop kan word. Die opbrengs word teruggeploeg in die gemeenskap.

Sien ook[wysig | wysig bron]

Bronne[wysig | wysig bron]

Verwysings[wysig | wysig bron]

  1. (en) Statistieke Botswana se webtuiste. URL besoek op 31 Januarie 2016.

Eksterne skakels[wysig | wysig bron]