Daniël Cornelis Boonzaier

in Wikipedia, die vrye ensiklopedie
(Aangestuur vanaf D.C. Boonzaier)
Jump to navigation Jump to search
D.C. Boonzaier
Foto van D.C. Boonzaier, 1906
Geboortenaam Daniël Cornelis Boonzaier
Gebore 11 November 1865
Carnarvon, Kaapkolonie
Oorlede 20 Maart 1950
Kaapstad
Nasionaliteit Suid-Afrika
Beroep Kunstenaar
Bekend vir Spotprente
Kind(ers) Gregoire Boonzaier

Daniël Cornelis Boonzaier (bekend as D.C. Boonzaier[1] of D.C. Boonzaaier;[2] 1865–1950) was 'n Suid-Afrikaanse kunstenaar en spotprenttekenaar wat waardering van binne en buite Suid-Afrika ontvang het. Oor sy loopbaan van 50 jaar het hy 'n merkwaardige reeks karikature en politieke spotprente gelewer. Hy was bekend as Die Burger se spotprentkunstenaar en veral as die skepper van "Hoggenheimer", ’n gierige onderdrukkende mynbaas-karikatuur.[2] Sy opvolger by Die Burger was T.O. Honiball.

Lewensloop[wysig | wysig bron]

Adv. Tielman Roos en 'n karikatuur van hom deur D.C. Boonzaier.

Boonzaier is op 11 November 1865 op 'n Karoo-plaas buite Carnarvon gebore. Hy word arm groot, maar slaag daarin om homself te kwalifiseer. Hy kry werk in die Kaapse Staatsdiens, en publiseer sy eerste spotprent in 1884.

Karikatuur van ds. Herman van Broekhuizen.

In 1889 bedank by van die staatsdiens om 'n professionele spotprenttekenaar te word. Sy prente is in verskeie publikasies in die Kaapkolonie, insluitend die The Cape en The Owl, gepubliseer. In 1903 word hy die eerste permanente spotprenttekenaar van 'n Suid-Afrikaanse koerant (South Africa News).[3]

Boonzaier was Die Burger se spotprenttekenaar sedert die stigting daarvan 1914 tot 1940. Van sy beroemdste skeppings was die miljoenêr, Hoggenheimer, as die inkarnasie van die Johannesburgse mynmagnaat en bobbejaan, Kees, op sy paal wat Suid-Afrika simboliseer.[1]

Sy seun was die skilder Gregoire Boonzaier. Hy was ook die mentor van jonger kunstenaars soos Pieter Wenning.

Boonzaier is op 20 Maart 1950 in Kaapstad oorlede. Hy was 84 jaar oud.

Verwysings[wysig | wysig bron]

  1. 1,0 1,1 Ensiklopedie van Suidelike Afrika, Eric Rosenthal, 1967.
  2. 2,0 2,1 HAT Taal-en-feitegids, Pearson, Desember 2013, ISBN 978-1-77578-243-8
  3. [[Esmé Berman|Berman, Esmé]] (1983). Art and Artists of South Africa. Cape Town: A. A. Balkema. pp. 66–67. ISBN 0-86961-144-5.  Check |author-link1= value (help)