D.W. Griffith

D. W. Griffith
Griffith in 1922
Gebore	David Wark Griffith (1875-01-22)22 Januarie 1875 Oldham County, Kentucky, V.S.A
Sterf	23 Julie 1948 (op 73) Hollywood, Kalifornië, V.S.A
Rusplek	Mount Tabor Methodist Church Graveyard, Centerfield, Kentucky, V.S.A
Beroep	Rolprentregisseur draaiboekskrywer vervaardiger
Jare aktief	1895–1931
Eggenoot	Linda Arvidson (trou 1906; geskei 1936) Evelyn Baldwin (trou 1936; geskei 1947)
Handtekening

David Wark Griffith (22 Januarie 1875 - 23 Julie 1948) was 'n Amerikaanse rolprentregisseur. Hy word allerweë beskou as een van die invloedrykste figure in die geskiedenis van die rolprentwese, het baanbrekerswerk gedoen ten opsigte van verskeie aspekte van filmredigering en het die veld van die verhalende rolprent uitgebrei.

Vir moderne gehore is Griffith hoofsaaklik bekend vir die regie van die 1915-rolprent The Birth of a Nation. Dit word beskou as een van die finansieel suksesvolste rolprente ooit en as 'n mylpaal deur filmhistorici, Dit is egter veroordeel vir die rolprent se vernederende uitbeeldings van Afro-Amerikaners, die verheerliking van die Ku Klux Klan, en die rolprent se steun vir die Konfederasie. Die rolprent het 'n oproer veroorsaak in verskeie groot stede regoor die Verenigde State en die NAACP het probeer om die vertoon daarvan te verbied. Griffith het sy volgende rolprent Intolerance (1916) gemaak as antwoord op kritici, wat hy gevoel het sy werk onregverdig belaster het.

Saam met Charlie Chaplin, Mary Pickford en Douglas Fairbanks het Griffith die United Artists-ateljee in 1919 op die been gebring met die doel om akteurs en regisseurs in staat te stel om rolprente op hul eie voorwaardes te maak, in teenstelling met die voorwaardes van kommersiële ateljees. Verskeie van Griffith se latere rolprente was suksesvol, insluitend Broken Blossoms (1919), Way Down East (1920) en Orphans of the Storm (1921), maar die hoë koste wat hy vir produksie en promosie aangegaan het, het dikwels tot kommersiële mislukking gelei. Hy het teen die tyd van The Struggle (1931) ongeveer 500 films gemaak; dit was sy laaste rolprent, en almal behalwe drie was volledige stilfilms.