Daar doer in die bosveld

in Wikipedia, die vrye ensiklopedie
(Aangestuur vanaf Daar Doer in die Bosveld)
Jump to navigation Jump to search
Daar doer in die bosveld
Regisseur Jamie Uys
Draaiboek Draaiboek:
Jamie Uys
Met Jamie Uys
Hettie Uys
Jurg du Preez
Boks Joubert
Musiek deur Anton de Waal
Kinematografie Jamie Uys
Redigeerder Jamie Uys
Ateljee Swan Films
Uitgereik 8 November 1951
Speeltyd 61 min
Land Suid-Afrika
Taal Afrikaans
Begroting R6 000
Opgevolg deur Die Bosvelder
IMDb-profiel

Daar doer in die bosveld is 'n rolprent wat in 1951 vervaardig is. Dit was Jamie Uys se debuutrolprent asook Suid-Afrika se eerste vollengte rolprent in kleur. Hy het die fliek saam met sy broer Jok en sy vrou Hettie verfilm en ook self daarin gespeel. 'n Eenvoudige Kodak-kamera is gebruik en die vervaardigingskoste het R6 000 beloop. Dit het Uys as 'n akteur, vervaardiger en regisseur gevestig.[1]

Genre[wysig | wysig bron]

Die rolprent is 'n lekkerlag komedie oor 'n boer wat meer van beeste as van vroue weet.

Hoofrolspelers[wysig | wysig bron]

  • Jamie Uys as Hans Botha, die boer.
  • Hettie Uys as Martie du Toit, die onderwyseres.
  • Jurg du Preez as Koos
  • Buks Joubert as Gert Petoors
  • Thomas Moema as Ou Thomas
  • Kobie Uys as Kobie Botha (nie gekrediteer nie)
  • Marietjie Uys as Marietjie Botha (nie gekrediteer nie)

Storielyn[wysig | wysig bron]

Hans Botha, 'n ryk maar suinige boer, moet die nuwe onderwyseres op die dorp gaan haal. Hy is egter bang vir meisies en doen boonop alles verkeerd. Sy motor, 'n stokou Model T-Ford, se remme is gedaan en die bakwerk val uitmekaar. Telkens as hy stop om 'n hek oop te maak, spring hy uit om 'n klip voor die wiele te rol, maar die motor ry telkens daaroor. Nadat hy die nooientjie opgelaai het, ry hy deur 'n dam water waar die kar vassit. Terwyl hy haar probeer "red", laat hy haar in die water val. Later, tydens 'n piekniek kry hy kans om vir alles te vergoed, maar dinge loop steeds skeef. Hy dink aan hoe dit sou wees om 'n behoorlike motor te hê, en alles reg sou verloop. Gelukkig vir hom loop al hierdie manewales op 'n huwelik uit.

Sien ook[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]