Daar kom tant Alie

Daar kom Tant Alie is 'n Afrikaanse komedie wat in 1976 vrygestel is.^[1] Die film is deur Tommie Meyer geregisseer met 'n draaiboek deur Mike Heine (verwerk deur Jan Scholtz), vervaardig deur Koos Roets en versprei deur Ster Films/Rand Films.^[1]

Sinopsis

Die verhaal sentreer om 'n moeilike, ryk tante wat eensaam voel op die plaas en besluit om permanent by haar snobistiese dogter en haar familie in die stad in te trek. Daar kom sy in aanraking met nog meer eienaardige mense, insluitend die langhaar Jansonius. Hy is tuis op sy motorfiets, kan 'n vliegtuig vlieg en probeer boonop haar dogter se hart wen. Die liefdesintriges strek verder as net die jonger geslag, en uiteindelik, na 'n wilde vlieëry, trou tant Alie selfs vóór die dogter.^[1]

Rolverdeling

Die rolverdeling is Wena Naudé, Marius Weyers, Wilna Snyman, Siegfried Mynhardt, Annelisa Weiland, Danie Smuts, Tobie Cronjé, Pietie Meyer, en Cecile Buurman.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]