Dassault Super Étendard
| Dassault Super Étendard | |
|---|---|
 | |
| 'n Super Étendard in 1988. | |
| Tipe | Vegvliegtuig |
| Vervaardiger | Dassault-Breguet, Frankryk |
| Nooiensvlug | 28 Oktober 1974 |
| Bekendstelling | Junie 1978 |
| Status | In gebruik |
| Hoofgebruiker | Franse Vloot Argentynse Vloot Irakse Lugmag |
| Vervaardig | 1977–83 |
| Aantal gebou | 85 |
| Ontwikkel van | Dassault Étendard IV |
Die Dassault Super Étendard (Étendard is Frans vir "strydvlag") is 'n Franse vliegdekskip-gebaseerde aanvalsvegvliegtuig ontwerp deur Dassault-Breguet vir diens in die Franse Vloot. Die vliegtuig is 'n gevorderde ontwikkeling van die Étendard IVM. Die Super Étendard se nooiensvlug was in Oktober 1974 en dit betree Franse diens in Junie 1978. Die Franse Super Étendards het in verskeie konflikte gedien, soos die Kosovo-oorlog, die oorlog in Afghanistan en die militêre ingryping in Libië.
Die Super Etendard is ook uitgevoer na Irak en Argentinië, wat albei die vegvliegtuig tydens oorloë ontplooi het. Die Super Etendard is deur Irak gebruik om olietenkers en handelskepe aan te val in die Persiese Golf tydens die Iran-Irakse Oorlog. Argentinië se gebruik van die Super Étendard en die Exocet-missiel in die Falklandoorlog van 1982 het gelei tot aansienlike respek en wye erkenning vir die vliegtuig. Die Super Étendard sal in Franse diens vervang word deur die Dassault Rafale teen ongeveer 2016.
Sien ook[wysig | wysig bron]
 | Hierdie lugvaartartikel is 'n saadjie. Jy kan Wikipedia help deur dit uit te brei. |
| Hierdie artikel is in sy geheel of gedeeltelik vanuit die Engelse Wikipedia vertaal. |
