Datei

in Wikipedia, die vrye ensiklopedie
Jump to navigation Jump to search

Datei was die skuilnaam van die Afrikaanse skrywer Pieter Jordaan (*1924 – †1953).

Lewe en werk[wysig | wysig bron]

Pieter Cornelius Johannes Jordaan is op 7 November 1924 op die Roggeveldse rante (naby Sutherland) gebore as een van vyf kinders. Die skrywer Anna Jordaan (wat onder andere Iemand soos Tant Breggie geskryf het) is een van sy susters. Hy skryf onder die skuilnaam Datei. Hy is ’n tengerige seun wat eers op vyfjarige leeftyd begin loop en regdeur sy kort lewe baie las het met sy gesondheid. Hy het skool gegaan aan die Hoërskool Sutherland. Die laaste jare van sy lewe bly hy weer op sy geboortedorp. Hy is op 3 Julie 1953 op Sutherland oorlede.

Skryfwerk[wysig | wysig bron]

Sy eerste verhaal, Maak oop daardie deur, word in 1951 in Huisgenoot gepubliseer en verwerf ook die toekenning as die beste verhaal van die maand. Daarna verskyn daar gereeld verskeie tydskrifverhale van hom en ook die gewilde Ure-reeks, wat in Sarie Marais gepubliseer word. Na sy dood word sy sketse in twee bundels versamel onder die titels Ure met horings (’n dag in die lewe van ’n vrou) en Ure vol seesand[1] (’n dag in die lewe van ’n gesin). Dit is veral die lewensvreugde in hierdie sketse wat tref.

Publikasies[wysig | wysig bron]

Jaar Publikasies
1960 Ure met horings
1964 Ure vol seesand

Bronnelys[wysig | wysig bron]

Boeke[wysig | wysig bron]

  • Kannemeyer, J.C. “Geskiedenis van die Afrikaanse literatuur 2” Academica, Pretoria, Kaapstad en Johannesburg. Eerste uitgawe. Eerste druk. 1983
  • Nienaber, P.J,; Senekal, J.H en Bothma, T.C. “Mylpale in die geskiedenis van die Afrikaanse letterkunde” Afrikaanse Pers-Boekhandel. Tweede hersiene uitgawe. 1963

Tydskrifte en koerante[wysig | wysig bron]

  • Buys, Junita: “Louw-huis” “Kakkerlak” Uitgawe 4, 2005

Resensies[wysig | wysig bron]

  1. L.V. Die Burger 17 Julie 1964