David Lloyd-Jones

in Wikipedia, die vrye ensiklopedie
Jump to navigation Jump to search

David Matthias Lloyd-Jones (gebore op 19 November 1934) is 'n Britse dirigent wat in Britse en Russiese musiek spesialiseer. Hy is ook 'n redakteur en 'n vertaler, veral van Russiese operas.

Biografie[wysig | wysig bron]

Lloyd-Jones was in London gebore. Voor die Tweede Wêreldoorlog was sy gesin ontruim en na Wes-Wallis geskuif ten einde op 'n plaas te woon. Hy het daar tot op die ouderdom van nege jaar kontak met klassieke musiek gehad, toe hy Mozart se werke op skool begin studeer het. Op sy tiende verjaardag het sy vader hom na sy eerste ondervinding van orkesmusiek geneem, met die Londen Filharmoniese Orkes wat in die Royal Albert Hall gespeel het. Hy het vinnig 'n liefde vir Britse musiek ontwikkel, insluitende die musiek van Ralph Vaughan Williams, sowel as van Russiese musiek.[1] Hy het later Magdalen Kollege in Oxford bygewoon.

Vroeë loopbaan en Sadlers Wells[wysig | wysig bron]

Lloyd-Jones het sy loopbaan in 1959 as 'n répétiteur by die Royal Opera House, Covent Garden, begin. Hy het sy professionele buiging as dirigent in 1961 gemaak met die Koninklike Liverpool Filharmoniese Orkes. Hy het van 1961 tot 1964 die New Opera Company gedirigeer. Hy het voortgegaan om sy reputasie te bou as 'n vryskut-dirigent vir orkeste en korale konserte. Hy het ook vir BBC uitsendings, en TV ateljee-operaproduksies, gedirigeer.[2]In 1972 was hy aangestel as Assistent Musiekdirekteur by Sadlers Wells Opera (nou die Engelse Nasionale-opera), waar hy 'n wye repertorium gedirigeer het, welke die eerste Britse aanbieding van Oorlog en Vrede deur Sergei Prokofiëf ingesluit het.

Opera North[wysig | wysig bron]

Lloyd-Jones het die Opera North in 1978 gestig en was die eerste musiekdirekteur daarvan. Hy het ook die orkesafdeling daarvan (aanvanklik bekend as die "English Northern Philharmonia", maar nou bekend as die Orchestra of Opera North) gevorm en artistieke direkteur daarvan geword. Hy het met die verloop van twaalf seisoene meer as vyftig produksies in Leeds en ander liggings in Noord-Engeland gedirigeer. Hoogtepunte van sy loopbaan by Opera North sluit die eerste Britse uitvoering van Krenek se Jonny spielt auf en die Britse buiging van die verhoogproduksie van Richard Strauss se Daphne in. Ander noemenswaardige Opera North produksies wat hy gedirigeer het sluit Delius se A Village Romeo and Juliet, Borodin se Prins Igor, Wagner se Die Meistersinger von Nürnberg, Berlioz se Les Troyens, Richard Jones se produksie van L'amour des trois oranges (Afrikaans: Liefde vir drie Lemoene), 'n tweedelige uitvoering van (soos by hul eerste uitvoering) Tsjaikofski se Iolanta en Die Neutkraker – laasgenoemde gechoreografeer deur Matthew Bourne, en die wêreldpremière van Wilfred Josephs se Rebecca; in. Lloyd-Jones het ook orkestrale konserte vir Opera North gedirigeer by feeste in Frankryk en Duitsland.[2] Hy het in 1990 van die pos van musiekdirekteur afgetree.

Ander betrekkinge en aktiwiteite[wysig | wysig bron]

Lloyd-Jones het by die Royal Opera House, Walliese Nasionale-opera, Skotse Opera en by die Wexford-, Cheltenham-, Edinburgh- en Leeds-feeste gedirigeer. Hy was musiekdirekteur van die Bradford-fees Korale Genootskap gewees. Hy het ook in die belangrikste stede regdeur Europe, Skandinawië, Rusland, Israel, Japan, Australië en die Amerikas opgetree. In die ateljee-opname spesialiseer Lloyd-Jones in Britse en Russiese musiek, dikwels vir Hyperion en Naxos.[2] Sy opnames het die eerste kommersiële opname van Constant Lambert se Summer's Last Will and Testament, wat in 1992 vrygestel is; en die ballet Tiresias, vrygestel in 1999; ingesluit.[3] In Junie 2009 het Lloyd-Jones 'n professionele opname van Arthur Sullivan se opera Ivanhoe vir Chandos gedirigeer, wat in 2010 vrygestel is en vir 'n Grammy genomineer is.[4]

Pryse[wysig | wysig bron]

In 1986 het Lloyd-Jones 'n eredoktorsgraad in Musiek van die Universiteit van Leeds ontvang, en in 2007 het hy erelidmaatskap van die Koninklike Filharmoniese Genootskap, waar hy 'n lid van die raad is, ontvang.

Verwysings[wysig | wysig bron]

Notas

  1. Anderson, Colin. "Insights and Ideas from Conductor David Lloyd-Jones", Fanfare Magazine, Januarie/Februarie 2006
  2. 2,0 2,1 2,2 David Lloyd-Jones profile at BachCantatas.com
  3. Andrew Lamb. "H.M.S. Pinafore, or, The Lass That Loved a Sailor", Music Library Association – Notes, Vol. 61, No. 2, Desember 2004, bl. 533
  4. Raymond J Walker, From MusicWeb International on arkivmusic.com

Bronne

  • Adam, Nicky (Red.), Who's Who in British Opera. Scolar Press, 1993. ISBN 0-85967-894-6
  • Warrack, John, and Ewan West. The Oxford Dictionary of Opera. Oxford. ISBN 0-19-869164-5. Onbekende parameter |uitgewer= geïgnoreer (help); Onbekende parameter |titel= geïgnoreer (|title= voorgestel) (help); Onbekende parameter |jaar= geïgnoreer (help)

Eksterne skakels[wysig | wysig bron]

Kulturele poste
Voorafgegaan deur
geen
Musiekdirekteur, Opera North
1977–1990
Opgevolg deur
Paul Daniel