De Havilland Sea Vixen

in Wikipedia, die vrye ensiklopedie
Jump to navigation Jump to search
De Havilland Sea Vixen
Sea Vixen XP924.JPG
Die enigste lugwaardige Sea Vixen (burgerlike registrasie G-CVIX) te RNAS Yeovilton, 2014.
Tipe Vegter/bomwerper
Vervaardiger De Havilland
Nooiensvlug 26 September 1951
Bekendstelling Julie 1959
Onttrek 1972
Hoofgebruiker Britse Vloot
Aantal gebou 145
Programkoste -

Die De Havilland Sea Vixen is 'n tweesitplek vegvliegtuig van die Britse Vloot. Toe die vliegtuig in diens gestel was dit op gelyke voet met enige landgebaseerde vegvliegtuig van sy tyd. Dit was die Britse Vloot se eerste swiepvlerk, tweesitplek, alle-weer vegvliegtuig en was verder ontwikkel van de Havilland se D.H.110 ontwerp vir beide die Britse Lugmag en vloot. Dit het ook die tweestert ontwerp gevolg soos die De Havilland Vampire en De Havilland Venom maar was 'n nuwe, meer moderne vliegtuig. Ontwikkeling was egter vertraag weens die tragiese ongeluk van 'n prototipe tydens die Farnborough lugskou in 1952 en is eers in 1958 in diens gestel deur die Britse Vloot. Hierna was dit vir 'n dekade lank die belangrikste vegvliegtuig van die vloot. Dit was ook die eerste Britse onderskeppingsvliegtuig wat slegs toegerus is met lug tot lug missiele, dit was nie toegerus met masjiengewere nie.

Model FAW Mk.1 is toegerus met 'n radarkoepel in die neus en vlerke wat kon opvou. Die kajuit was egter aan die bakboord kant om te verseker dat die radaroperateur oor genoeg spasie beskik om sy take te verrig aan die stuurboord kant. Die FAW Mk.2 was 'n verbeterde model en kon ander andere meer brandstof dra; die tweestertrompe was verleng net voor die vlerke. Model Mk.2 kan vier Red Top lug-tot-lug missiele dra in stede van die Firestreaks missiele wat die Mk.1 kan dra.

Die Sea Vixen was 'n formidabele alle-weerstoestand onderskepping vegvliegtuig vir die Britse Vloot totdat dit uit diens gehaal was in 1972.

Tegniese besonderhede[wysig | wysig bron]

Besonderhede van die De Havilland Sea Vixen FAW.Mk 2:
Item Statistiek
Aantal motors 2
Tipe motor Straalmotor
Vervaardiger Rolls-Royce Avon 208 turbostraal
Kraglewering per motor 5 049 kg stukrag
Vlerkspan 15,54 m
Lengte 16,94 m
Hoogte 3,28 m
Vlerkoppervlakte 60,2 m2
Maks. opstygmassa 16 793 kg
Maks. snelheid 1 110 km/h
Operasionele hoogte 14 640m
Togafstand 1 287km
Klimvermoë 12 200 m in 8.5 minute
Bewapening Vier Red Top-missiele

twee hegpunte in neus vir 28x51mm vuurpyle

Sien ook[wysig | wysig bron]

Bron[wysig | wysig bron]