Denel G5-kanon

in Wikipedia, die vrye ensiklopedie
G5 155 mm Houwitzer

G5 op uitstalling
Tipe Houwitzer
Oorsprong Suid-Afrika
Diensgeskiedenis
In gebruik 1983 – huidig
Gebruik deur Weermagte van Suid-Afrika, Israel, Irak, Oman en Maleisië
Oorloë Suid-Afrikaanse Grensoorlog
Iran–Irakoorlog
Golfoorlog
Produksiegeskiedenis
Ontwerper Lyttleton Engineering Works
Ontwerp 1976 – 1983
Vervaardiger Denel Land Systems
Vervaardig 1982 – huidig
Spesifikasie
Massa 13,750 kg (30,313 lb)
Lengte 9.5 m
Looplengte 6.975 m L/45
Wydte 3.3 m
Hoogte 2.1 m
Bemanning 8 artilleriste

Rondte Hoë plofkrag
Kaliber 155 mm (6.10 duim)
Bruglaai Semi-outomatiese beperkte skroef
Wa Gesplete sleepstang
Righoek -3° tot +75°
Rigbaan Tot op 15°: 82°
Bokant 15°: 65°
Vuurtempo 3 rondtes/minuut
Trompsnelheid 897 m/s
Maksimum vuurafstand Standaard:30 km
Basissnitdoppe: 39 km
VLAP: 50 km[1]
Voermetode Bruggelaai per hand

Die G5-kanon is 'n Suid-Afrikaanse gesleepte kanon van 155 mm kaliber wat in Suid-Afrika ontwerp en ontwikkel is deur Denel Land Systems. Die G5 se ontwerp is gebaseer op die Kanadese GC-45 155 mm kanon wat hoogs gewysig is om by Suider-Afrikaanse omstandighede aan te pas.

Produksiegeskiedenis[wysig | wysig bron]

Tydens die Angolese Bosoorlog, het die Suid-Afrikaanse Weermag hulself benadeeld bevind wanneer hulle 'n vyand aangeval het wat toegerus was met langreikafstand Sowjet-vuurpylartillerie, bv. die Stalin-orrel. Laasgenoemde het Suid-Afrika se ouer 5.5-duim kanonne met 'n aansienlike marge in reikafstand en akkuraatheid oortref.[2] Dit het gelei tot die uitreiking van 'n behoefteverslag vir 'n nuwe artilleriestelsel sowel as ammunisiestelsels, 'n kanontrekker, vuurbeheertoerusting en -rekenaarstelsels.[3]

Suid-Afrika was sedert 1963 weens sy apartheidbeleid onder 'n wapenverbod deur die Verenigde Nasies geplaas. Dit het tot die skepping van die plaaslike Krygkor militêre produksiebedryf gelei, wat die wapenverbod omseil het deur self wapenstelsels vir Suid-Afrika se behoeftes te ontwikkel en te produseer. Krygkor het gereageer op die weermag se behoefte en ontwikkeling in 1976 begin deur 'n aantal bestaande ontwerpe te evalueer en voorbeelde te verkry in oortreding van die wapenverbod. As 'n tussentydse wapenstelsel en as oorbrugging gedurende die plaaslike produksieproses, is 'n aantal Soltam 155 mm M-71 kanonne van Israel verkry en in diens gestel as die G4-houwitser.[3]

Verdere variasies[wysig | wysig bron]

Met die gebruik van normale verlengde reikafstandammunisie (ERBF) is die reikafstand 30 km, wat verleng kan word tot sowat 39,6 km met behulp van basissnitdoppe, of 50 km deur die gebruik van vuurpylgesteunde ​​V-LAP rondtes. In 2002 het Denel die G5-2000 weergawe begin vervaardig, met 'n veel groter reikafstand en akkuraatheid as die vorige 45-kaliber weergawe.

Die G5 kanon is op 'n "OMC" 6x6-onderstel geplaas om die tenvolle selfaangedrewe G6-kanon te produseer, en het groot verkope behaal in die Verenigde Arabiese Emirate en Oman. In reaksie op 'n versoek van Indië is dit is ook op die rug van 'n Tatra 8x8-wielvragmotor getoets, 'n kombinasie wat bekend staan ​​as die T5-2000.

Verwysings[wysig | wysig bron]

  1. Denel (2004-09-03). "G5 155mm Towed Gun/Howitzer". Persberig. http://www.denel.co.za/Landsystems/LS_ArtillerySysG5.pdf. 
  2. The Encyclopedia of World Military Weapons 1988. ISBN 0-517-65341-9
  3. 3,0 3,1 Jane's Armour and Artillery 1996-97. Janes Information Group. 1996. p. 697. ISBN 9780710613745.
Hierdie artikel is in sy geheel of gedeeltelik vanuit die Engelse Wikipedia vertaal.