Denis Tsjerisjef
 Tsjerisjef in 2019 | |||
| Persoonlike inligting | |||
|---|---|---|---|
| Geboortedatum | 26 Desember 1990[1] | ||
| Geboorteplek | Nizjni Nowgorod, RSFSR, Sowjetunie | ||
| Lengte | 1,73 m | ||
| Speelposisie | Vleuel | ||
| Klubinligting | |||
| Huidige klub | Krasava ENY Ypsonas | ||
| Nommer | 90 | ||
| Jeugloopbaan | |||
| 1996–2000 | Sporting Gijón | ||
| 2000–2002 | Burgos Promesas | ||
| 2002–2009 | Real Madrid | ||
| Seniorloopbaan* | |||
| Jare | Span | Kere† | (Doele)† |
| 2009–2013 | Real Madrid B | 104 | (22) |
| 2012–2016 | Real Madrid | 2 | (0) |
| 2013–2014 | → Sevilla (leen) | 4 | (0) |
| 2014–2015 | → Villarreal (loan) | 26 | (4) |
| 2016 | → Valencia (leen) | 7 | (3) |
| 2016–2019 | Villarreal | 35 | (2) |
| 2018–2019 | → Valencia (leen) | 27 | (2) |
| 2019–2022 | Valencia | 62 | (1) |
| 2022–2024 | Venezia | 32 | (4) |
| 2024–2025 | Panionios | 21 | (2) |
| 2026– | Krasava ENY Ypsonas | 5 | (1) |
| Nasionale span | |||
| 2005–2006 | Rusland o/15 | 16 | (9) |
| 2006–2007 | Rusland o/17 | 6 | (5) |
| 2008–2009 | Rusland o/18 | 5 | (2) |
| 2011–2013 | Rusland o/21 | 18 | (7) |
| 2012–2021 | Rusland | 33 | (12) |
| * Kere vir seniorklub uitgedraf en doele is net vir die plaaslike liga. en korrek soos op 1 Maart 2026. † Kere uitgedraf (Doele). | |||
Denis Tsjerisjef (Russies: Денис Дмитриевич Черышев; gebore 26 Desember 1990) is ’n Russiese sokkerspeler wat as vleuel speel. Hy is in Nizjni Nowgorod, in die Sowjetunie, gebore en het op ’n vroeë ouderdom na Spanje verhuis, waar sy pa, Dmitri, sokker vir Sporting de Gijón gespeel het.[2] In 2002 het hy by Real Madrid aangesluit en sy vormingsjare in hul akademie voltooi. Hy het gedurende die 2008/09-seisoen in nege Segunda División-wedstryde vir Real Madrid Castilla (die reserwespan) verskyn.
Op 27 November 2012 het hy sy amptelike debuut vir die eerste span gemaak in ’n 3–0-tuisoorwinning teen Alcoyano in die ronde van 32 van die Copa del Rey, en sodoende die eerste Russiese speler geword wat vir Real Madrid speel. Hy is later aan Sevilla en Villarreal uitgeleen. Op 1 Februarie 2016 is hy tot Junie aan Valencia uitgeleen. Op 15 Junie 2016 het Tsjerisjef permanent na Villarreal teruggekeer, waar hy ’n kontrak tot 2021 onderteken het.[3][4]
Op 14 Augustus 2018 het hy weer op huurbasis na Valencia teruggekeer, en op 29 Junie 2019 het hy permanent by Valencia aangesluit. Op 31 Augustus 2022 het Tsjerisjef ’n tweejaarkontrak met die Italiaanse klub Venezia onderteken, met die opsie vir ’n bykomende seisoen.[5] Op 22 September 2024 het hy by die Griekse tweedeligaklub Panionios aangesluit.[6] In Februarie 2026 het hy by die Cipriotiese tweededivisieklub FC Krasava aangesluit, wat deur sie Russiese YouTuber Yevgeny Savin besit word.[7]
Internasionale loopbaan
[wysig | wysig bron]Voordat hy sy internasionale debuut vir Rusland gemaak het, was Tsjerisjef ook geregtig om Spanje te verteenwoordig, aangesien hy dubbele burgerskap gehad het. In ’n onderhoud met die Spaanse sportkoerant Marca in 2011 het hy aangedui dat hy homself meer Spaans as Russies voel, maar hy het in November 2012 ’n oproep na die Russiese span aanvaar. Hy het agt dae later sy debuut gemaak in ’n 2–2-vriendskaplike gelykopuitslag teen die Verenigde State, dieselfde teenstander waarteen sy pa Dmitri 20 jaar tevore gespeel het.
Op 11 Mei 2018 is hy in ’n uitgebreide groep vir die Wêreldbekertoernooi op tuisgrond ingesluit, en is ook as een van die finale 23 spelers aangewys. Hy het op 14 Junie sy debuut in die toernooi gemaak toe hy die beseerde Alan Dzagojev halfpad deur die eerste helfte van die groepfase se openingswedstryd teen Saoedi-Arabië in Moskou vervang het en twee doele in ’n 5–0-oorwinning aangeteken het. Hy het sy derde doel van die toernooi teen Egipte in ’n 3–1-oorwinning aangeteken, en nog een in die kwarteindstryd toe hy van net buite die strafgebied ’n skoot verby Kroasië se doelwagter Danijel Subašić gekrul het om die telling te open, maar uiteindelik in ’n 4–3-strafdoelskiet-nederlaag verloor het. Altesaam het hy 33 wedstryde vir Rusland gespeel en 12 doele aangeteken.
Verwysings
[wysig | wysig bron]- ↑ "FIFA World Cup Russia 2018 – List of players" (PDF). FIFA. p. 24. Geargiveer vanaf die oorspronklike (PDF) op 12 Augustus 2018. Besoek op 30 Desember 2020.
- ↑ Romero, Román (28 Junie 2019). "Cheryshev: "Siempre recordaré con mucho cariño mi paso por el Burgos Promesas"" (in Spaans). Revista Forofos. Besoek op 2 Januarie 2020.
- ↑ "¡Bienvenido de nuevo, Cheryshev!" (in Spaans). Villarreal CF. 15 Junie 2016. Geargiveer vanaf die oorspronklike op 18 Junie 2016. Besoek op 15 Junie 2016.
- ↑ "Official announcement: Cheryshev". Real Madrid CF. 15 Junie 2016. Besoek op 16 Junie 2016.
- ↑ "Venezia, che colpo per l'attacco: arriva l'ex Valencia Cheryshev" [Venezia, what an attacking deal: former Valencia man Cheryshev arrives]. Tuttosport (in Italiaans). 31 Augustus 2022. Besoek op 7 Oktober 2022.
- ↑ Avgoustakis, Kostas (22 September 2024). "Ο Πανιώνιος πυροδοτεί "βόμβα": Συμφωνία με τον Ντένις Τσερίσεφ" (in Grieks). Sport 24. Besoek op 23 September 2024.
- ↑ "Denis Cheryshev joins Freedom24 Krasava ENY" (in Engels). OLOI. 1 Februarie 2026. Besoek op 3 Maart 2026.