Der Steppenwolf (roman)
Der Steppenwolf | |
|---|---|
 | |
| Skrywer | Hermann Hesse |
| Land | Duitsland |
| Taal | Duits |
| Uitgewer | S. Fischer Verlag |
| Uitgegee | 1927 |
| Bladsye | 219 |
| ISBN | 9789023495901 |
Der Steppenwolf is 'n roman deur die Duits-Switserse skrywer Hermann Hesse, waarin hy outobiografiese en fiktiewe besonderhede saamvoeg. Die boek, wat in die periode van die Weimarrepubliek na die Eerste Wêreldoorlog geskryf is, weerspieël in wese die diep geestelike krisis wat Hesse in die 1920's ervaar het. Die eerste uitgawe in Duits is in 1927 deur S. Fischer Verlag in Berlyn gepubliseer. Die Nederlandse vertaling deur Pieter Grashof is in 1964 as De Steppenwolf deur De Bezige Bij in Amsterdam gepubliseer.[1]
Opsomming
[wysig | wysig bron]Die boek is 'n raamvertelling en bevat die notas van Harry Haller, die hoofkarakter met dieselfde voorletters as die outeur. Harry Haller voel 'n dualiteit binne homself. Behalwe dat hy mens is, is hy die "Steppewolf" wat niks te make behoort te hê met menslike sentiment nie. As mens is hy 'n joernalis en krities oor ontwikkelinge in Duitsland gedurende die tussenoorlogse tydperk. Na allerhande vreemde en sprokiesagtige gebeure ontdek die Steppewolf dat hy nie 'n dubbele wese is nie, maar een wese, soos enige ander, met honderde karakters en persoonlikhede binne hom. Die hoofkarakter waarsku eksplisiet teen die onvermydelike naderende Tweede Wêreldoorlog.[2][3]
Oorspronklike uitgawe
[wysig | wysig bron]- Hermann Hesse Der Steppenwolf, uitg. S. Fischer, Berlijn (1927)
Verwysings
[wysig | wysig bron]- ↑ Hesse, p. 7
- ↑ Halkin, p. 126
- ↑ Tracy, Steven (2015). Hot Music, Ragmentation, and the Bluing of American Literature. University of Alabama Press. ISBN 978-0817358969. Geargiveer vanaf die oorspronklike op 7 Oktober 2022. Besoek op 10 Maart 2020.