Deutsche Schule Durban

in Wikipedia, die vrye ensiklopedie
Jump to navigation Jump to search
Deutsche Schule Durban
Gestig 1971
Leerlinge 120
Grade Gr. R-7
Adres Staffordweg 34, Cowies Hill
Stad Westville, Durban
Provinsie KwaZulu-Natal
Land Suid-Afrika
Webblad www.dsdurban.co.za

Die Deutsche Schule Durban (DSD) is ’n privaat Duitse skool in die voorstad Westville, Durban, KwaZulu-Natal, maar met Engels as onderrigtaal van gr. 5 tot 7.

Die skool is in 1971 gestig om onderrig te bied aan leerders van kindertuin tot gr. 7. Die skool behoort aan die Independent Schools Association of Southern Africa. Die meeste van die sowat 150 leerders kom uit ’n huis waarin minstens een van die ouers Duits praat. Toenemend benut egter ook nie-Duitssprekende gesinne die kans om hul kinders aan hierdie taal bloot te stel deur hulle aan die DSD in te skryf. Die skool ontvang geen geldelike steun van die Suid-Afrikaanse of die Duitse regering nie.

Die voorskoolse leerplan bied sowat 45 Duitse en nie-Duitse leerders tussen die ouderdomme van drie en ses die kans om hul kennis van Duits in so 'n mate op te bou dat hulle in gr. R in Duits onderrig sal kan word.

Die onderrigtaal van kindertuin tot gr. 4 is Duits, maar van gr. 5 tot 7 is dit Engels met daaglikse Duitsklasse. Engels as vak word van gr. 3 af aangebied en Afrikaans van gr. 4 af. In gr. 6 en 7 kry leerders ook onderrig in Zulu.

Bron[wysig | wysig bron]

Koördinate: 29°49′16″S 30°54′31″O / 29.82111°S 30.90861°O / -29.82111; 30.90861