Die Byl

Die Byl
Genre	Misdaadreeks
Geskep deur	Hein Eksteen
Geskryf deur	Henriëtta Gryffenberg, Hein Eksteen, Leon Kruger en Anton Treurnicht
Geregisseer deur	Regardt van den Bergh
Temamusiekkomponis	Braam du Toit
Aantal seisoene	4
Aantal episodes	47
Produksie
Vervaardiger(s)	Herman Binge en Elmarie Botha
Looptydperk	48-90 minute
Produksiemaatskappy	Lion's Head Productions
Uitsending
Oorspronklike kanaal	kykNET
Beeldformaat	HD
Oorspronklike lopie	12 Julie 2016 (2016-07-12) – Vertoon tans

Die Byl is 'n misdaadreeks wat in Kaapstad afspeel in 'n fiktiewe elite-eenheid van die Suid-Afrikaanse Polisiediens se afdeling vir geweldsmisdaad.

Die reeks word op KykNET, DStv kanaal 144 uitgesaai asook op Showmax.

Reeks 1, 3 en 5 was Dinsdagaande om 20h00 op KykNET uitgesaai.

Reeks 2 en 4 was Sondagaande om 20h00 op KykNET uitgesaai.

Reekse

Reeks		Episodes	Oorspronklik uitgesaai
			Eerste uitgesaai	Laaste uitgesaai
	1	13	12 Julie 2016 (2016-07-12)	4 Oktober 2016 (2016-10-04)
	2	14	5 Januarie 2020 (2020-01-05)	5 April 2020 (2020-04-05)
	3	10	27 April 2021 (2021-04-27)	29 Junie 2021 (2021-06-29)
	4	10	16 Januarie 2022 (2022-01-16)	20 Maart 2022 (2022-03-20)
	5	10	16 Januarie 2024 (2024-01-16)	19 Maart 2024 (2024-03-19)

Storielyn

Die eenheid spesialiseer in die ondersoek van reeksmoorde en word aangevoer deur Van der Bijl, 'n oud-moord-en-roof-speurder wat roem verwerf het vir sy hantering van verskeie hoëprofielsake. Elke episode fokus op 'n reeksmoordenaar. Die hoofkarakter, Kolonel Piet van der Bijl, ook bekend as Die Byl, is losweg geskoei op die bekende oudspeurder Piet Byleveld wat ook die produksiespan, teksskrywers en van die akteurs as tegniese adviseur bygestaan het om die fiktiewe eenheid meer geloofwaardig te maak.

Rolverdeling

• Waldemar Schultz as kolonel Piet van der Bijl
• Milan Murray as adv. Nicolene Swanepoel
• Eric Nobbs as dr. Fritz Barnard
• Trudy van Rooy as dr. Shani Smit
• Lika Berning as kaptein Lena Evans
• Marvin-Lee Beukes as kaptein Juan Stuurman
• Tertius Meintjes as generaal Neels van As
• Barbara-Marie Immelman as Ellie Bonthuys

Episodes

Reeks 1 (2016)

No. algeheel	No. in reeks	Episode	Oorspronklike uitsaaidatum
1	1	"Fluitspeler van Ruiterwacht"	12 Julie 2016 (2016-07-12)
Wanneer 'n paar hawelose seuns verdwyn, steur die oorwerkte polisie van Ruiterwacht hulle min. Dan verdwyn Tiaan Bernado se lieflingkind, Rose, helder oordag. Kolonel Pieter van der Bijl, oftewel 'Die Byl', word ingespan om die saak te ondersoek.
2	2	"Magnus en Mignon"	19 Julie 2016 (2016-07-19)
Byl en sy span is verbaas wanneer hulle by 'n grusame moordtoneel aankom waar die slagoffers in kostuums uit die 80's geklee is.
3	3	"Smiley"	26 Julie 2016 (2016-07-26)
Byl word gekonfronteer deur 'n moordenaar wat meer van hom weet as dr Fritz Basson. Smiley het 'n vendetta teen Byl en sal nie sy moordtog stop totdat Byl hom arresteer nie.
4	4	"Glashuise"	2 Augustus 2016 (2016-08-02)
Vier polisiebeamptes sterf onder vreemde omstandighede in fratsongelukke. Almal van hulle was by die polisiekollege saam met sers Juan Stuurman. Is Juan se lewe in gevaar, of is hy die moordenaar?
5	5	"In Die Bloed"	9 Augustus 2016 (2016-08-09)
Die span moet saam met 'n eenheid werk wat in bendeaktiwiteite spesialiseer. Byl weier om sy span met Kaptein Willem Ruiters te deel en beland in 'n spervuur met sy bevelvoerder.
6	6	"Yswater"	16 Augustus 2016 (2016-08-16)
Die sjarmante en suksesvolle fondsbestuurder, Ernst du Toit, het 'n spook uit sy verlede wat by hom spook. Maak dit hom ’n reeksmoordenaar, of is dit dalk sy blonde trofeevrou, Saskia?
7	7	"Boogskutter"	23 Augustus 2016 (2016-08-23)
Bart Basson is 'n middelklasman met 'n perfekte gesin. Dan word sy vrou in 'n fratsongeluk deur 'n kruisboogpyl getref. Wie was die boogskutter en hoekom wou hy Leonore doodmaak?
8	8	"Koffers Vol Drome"	30 Augustus 2016 (2016-08-30)
Daar is 'n reeksmoordenaar wat histerie in die modewêreld veroorsaak. Byl is onder druk om die saak op te los toe nog 'n jong model se lyk in 'n kis gevind word.
9	9	"Sodom Onder Tafelberg"	6 September 2016 (2016-09-06)
Daar is 'n reeksmoordenaar wat Tafelberg as sy jagveld gebruik. Met elke besoeker wat 'n potensiële slagoffer of 'n moontlike verdagte is, het die span 'n groot taak op die hande.
10	10	"Die Draak"	13 September 2016 (2016-09-13)
Daar is reeds twee universiteitstudente wat ontvoer en vermoor is teen die tyd dat Byl en sy span ingeroep word. Byl neem beheer oor die onderhandelinge, maar word deur die moordenaar uitoorlê.
11	11	"Skoenlapper"	20 September 2016 (2016-09-20)
Byl en Nicky se verhouding raak ernstiger. Raak Byl verlief, en wat van sy vrou, wat volgens hom spoorloos verdwyn het?
12	12	"Agter Die Kap"	27 September 2016 (2016-09-27)
Byl se donker verlede haal hom in wanneer Etienne Basson, 'n ou kollega en vriend by Byl se huis opdaag met 'n geweer in sy hand. Die raaisel rondom Byl se vrou is stadig besig om te ontrafel.
13	13	"In Die Geselskap Van..."	4 Oktober 2016 (2016-10-04)
Die bewaakte Byl kan hom uiteindelik toelaat om lief te hê en liefgehê te word. Hy beplan om van sy vrou te skei en vir Nicky die groot vraag te vra. Maar het die noodlot ander planne?

Reeks 2 (2020)

No. algeheel	No. in reeks	Episode	Oorspronklike uitsaaidatum
14	1	"'n Oog"	5 Januarie 2020 (2020-01-05)
'n Vermeende bendelid ontmoet 'n vurige einde, sy dood maak hom die 6de lid van sy bende wat in geheimsinnige omstandighede sterf. Byl sukkel met sy nuwe verhoudingstatus.
15	2	"Helter Skelter"	12 Januarie 2020 (2020-01-12)
Nood dienstes word die teiken van 'n genadelose psigopaat wanneer hulle by die toneel van noodgevalle aankom. Byl konfronteer 'n paar ongemaklike waarhede oor sy verlede wanneer sy eksvrou, Carien, weer opdaag.
16	3	"Elke Moeder Dra Haar Kruis"	19 Januarie 2020 (2020-01-19)
Die span word ingeroep nadat ’n middeljarige vrou se ontbindende liggaam in ’n besonderse makabere toestand gevind is. Byl bied aan om vir Carien te sorg nadat sy uit die hospitaal ontslaan is.
17	4	"Kuberkluisenaar"	26 Januarie 2020 (2020-01-26)
’n Noodlottige ongeluk word ’n geheim onder vriende, maar iemand vernietig letterlik en figuurlik hul lewens deur sosiale media. Carien begin onveilig voel in Byl se woonstel.
18	5	"Die Aardigheid Van Aptyt"	2 Februarie 2020 (2020-02-02)
Bella Swanepoel is 'n vrou met unieke smaak en uiters slegte geluk wanneer dit kom by mans en minnaars wat blykbaar permanent uit haar lewe verdwyn. Carien se toestand verswak.
19	6	"Amabundu"	9 Februarie 2020 (2020-02-09)
’n Narcistiese en manipulerende monster oordeel geregtigheid en byna almal draai ’n blinde oog wanneer verkragters, pedofiele en mishandelaars binne tronkmure vermoor word. Carien kry nie vir Byl in die hande nie.
20	7	"Verwronge Geregtigheid"	16 Februarie 2020 (2020-02-16)
Die span word gedwing om hul vermoë om konstante trauma te hanteer te konfronteer wanneer 'n PTSV-deskundige met hulle onderhoude voer. Byl sukkel om op werk te fokus aangesien skuldgevoelens en wrok hom opvreet.
21	8	"Wie, Wie Is Wie?"	23 Februarie 2020 (2020-02-23)
Veelvuldige middeljarige mans word op 'n ritualistiese wyse vermoor voordat hulle soos rommel weggegooi word. Die bedreiging vir die span neem toe namate hul lewens deur 'n meedoënlose aanslag besmet word.
22	9	"Genepoel"	1 Maart 2020 (2020-03-01)
Skeletoorblyfsels van verskeie vroulike slagoffers word ontdek. Die onnatuurlike versnelde ontbinding van hul oorskot word 'n unieke uitdaging vir die span. Byl ontvang verpletterende nuus.
23	10	"Die Verlede Speel Nooit Saam Nie"	8 Maart 2020 (2020-03-08)
’n Spiritualis daag by Byl se kantoor op. Nadat daar gegrawe word, word die oorskot van verskeie kinders gevind. Soos die span se lewens begin uitrafel, verskerp Ellie se liefdeslewe.
24	11	"Rooimark"	15 Maart 2020 (2020-03-15)
'n Wroeisame moordenaar, oes organe van onwillige deelnemers en berei hulle voor vir oorplanting. Die aanslag op die span se lewens word noodlottig soos hul jagters nader beweeg.
25	12	"André Engelbrecht"	22 Maart 2020 (2020-03-22)
’n Moordenaar prooi op bejaardes. Voorheen gesonde en welgestelde senior burgers word dood in hul beddens aangetref. Byl voel al hoe meer onbevoeg soos sy wêreld implodeer.
26	13	"Sonskyn"	29 Maart 2020 (2020-03-29)
Die span se desperate soektog na een van hul eie stuur die ondersoek na hul vyande. Byl word gedwing om iets uit die verlede te hanteer wat hy gehoop het begrawe sou bly.
27	14	"Bliksis"	5 April 2020 (2020-04-05)
Byl se span is in die operasiekamer vasgekeer. Die verantwoordelikheid om een ​​van hulle eie te red rus vierkantig op sy skouers en hy stap willens en wetens in 'n noodlottige lokval.

Reeks 3 (2021)

No. algeheel	No. in reeks	Episode	Oorspronklike uitsaaidatum
28	1	Skuldgevoelens en trauma dryf Byl na die platteland. Juan beveg sy demone met morfien en Lena moet kies tussen haar loopbaan en familie.	27 April 2021 (2021-04-27)
29	2	Byl ontdek 'n huis van gruwels waar 'n dogtertjie mishandel word. Fritz en Nicky moet vure doodslaan om Byl se werk en reputasie te red.	4 Mei 2021 (2021-05-04)
30	3	Die span trek in verlate kantore in. Juan se verslawing dryf 'n wig tussen hom en Shani.	11 Mei 2021 (2021-05-11)
31	4	’n Skeepsvraghouer vol vermoorde kinders word met georganiseerde misdaad verbind. Frankie se obsessie met die ideale vrou eskaleer.	18 Mei 2021 (2021-05-18)
32	5	Byl se verlede wil hom eenvoudig nie los nie, en word 'n groter bedreiging as ooit. Die reeksmoordenaar het skynbaar 'n jaloerse obsessie met een van sy spanlede.	25 Mei 2021 (2021-05-25)
33	6	Die verlede begin soos 'n giftige spook tussen die span beweeg. Die reeksmoordenaar se obsessie bereik breekpunt en sy lei een van die spanlede in 'n lokval.	1 Junie 2021 (2021-06-01)
34	7	’n Arm gemeenskap word geboelie deur gierige gemeenskapsleiers. Totdat een besluit genoeg is genoeg en hulle met slanggif begin doodmaak.	8 Junie 2021 (2021-06-08)
35	8	Byl en Nicky maak gereed vir 'n huisbesoek deur Mischa en 'n maatskaplike werker. Juan het 'n deurbraak in die aantygings teen hom.	15 Junie 2021 (2021-06-15)
36	9	Byl se ergste nagmerrie word bewaarheid toe een van die lede ontvoer word. Juan wil vir Shani vra om met hom te trou.	22 Junie 2021 (2021-06-22)
37	10	Byl moet vinnig optree voordat sy hele span vernietig word. Die einde van die seisoen word tot ’n klimaks gedryf wanneer die span net op mekaar kan staatmaak om te oorleef.	29 Junie 2021 (2021-06-29)

Reeks 4 (2022)

No. algeheel	No. in reeks	Episode	Oorspronklike uitsaaidatum
38	1	Die verlede kom doen huisbesoek wanneer 'n reeksmoordenaar wat drie dekades gelede opgehou het, skielik weer begin moor. Byl sukkel om Fritz se dood te verwerk.	16 Januarie 2022 (2022-01-16)
39	2	Die span staan bont met 'n reeksmoordenaar wat meer dier as mens is. Trotski wys sy ware kluere en kry opdrag om inligting by Nicky te kry. Die skerpskutter slaan weer toe.	23 Januarie 2022 (2022-01-23)
40	3	'n Reeksmoordenaar neem geregtigheid in eie hande en kerf slagoffers se sondes op hul voorkoppe uit. Trotski daag onverwags by die kantore op. Lena sukkel sonder haar familie.	30 Januarie 2022 (2022-01-30)
41	4	Die reeksmoordenaar se motiewe begin afwyk en geregtigheid word vergeldig. Mischa verjaar en Byl reël 'n verrassingspartytjie. Hy en Nicky kry verwoestende nuus.	6 Februarie 2022 (2022-02-06)
42	5	Die reeksmoordenaar het 'n obsessie met die perfekte menslike vel, vel waarmee hy vir hom 'n masker brei. Trotski plant die saad om Philander te beywer.	13 Februarie 2022 (2022-02-13)
43	6	Byl is aan huis by Andre Verwey. Vermeer se giftige tentakels reik tot die hoogste regeringsamptenare. Juan besef hy en Shani gaan nooit 'n huis kan bekostig nie.	20 Februarie 2022 (2022-02-20)
44	7	Vermeer wys tot watter uiterstes hy in staat is. Die reeksmoordenaar wat 'n obsessie met Lena het gaan oor tot aksie en Juan word skielik afgepers.	27 Februarie 2022 (2022-02-27)
45	8	Len Vos se obsessie met Lena bereik 'n hoogtepunt wanneer sy skielik verdwyn. Byl en Jo ontmoet en nie een is wat die ander verwag het nie. Die span is teen tyd gewikkel om Lena te red.	6 Maart 2022 (2022-03-06)
46	9	Vermeer maak sy plan met Byl bekend, maar of hy gaan saamspeel is 'n ope vraag. Juan hoor by 'n kollega die skeepsvraghouer is net 'n druppel in die emmer.	13 Maart 2022 (2022-03-13)
47	10	In die finale episode word Byl en span tot die uiterste beproef. Nie net is Suid Afrika se demokrasie op die spel nie, maar die Polisie en Weermag het 'n politieke speelbal geword.	20 Maart 2022 (2022-03-20)

Reeks 5 (2024)

No. algeheel	No. in reeks	Episode	Oorspronklike uitsaaidatum
48	1	Danksy Byl en sy span het Vermeer misluk en is die eenheid tot hul eertydse glorie herstel. Dit beteken egter nie minder uitdagings nie. Iemand teiken prostitute terwyl die see lyke uitspoeg.	16 Januarie 2024 (2024-01-16)
49	2	’n Massagraf word in die see ontdek en wanneer die lyke verwyder word, begin die reeksmoordenaar eskaleer. 'n Stuk kougom word in die lies van 'n skeurslagoffer gevind.	23 Januarie 2024 (2024-01-23)
50	3	'n Tweede liggaam met tekens van vergiftiging word in 'n asblik gevind. Nadat Byl versuim om betalings te magtig, ontvang Juan 'n onweerstaanbare aanbod. Jo vermoed William steek iets weg.	30 Januarie 2024 (2024-01-30)
51	4	Die reekmoodenaar teiken haar finale slagoffer en dit raak persoonlik. Nicki vind geselskap by Alex en dit onstem Byl. 'n Sleutelpersoon in die Nabootser-saak raak vermis.	6 Februarie 2024 (2024-02-06)
52	5	'n Jagtog neem 'n donker wending en dit laat 'n vriend van Nicki twyfel oor sy besluite. Juan ontwikkel 'n algoritme om te voorspel watter reeksmoordenaar die Nabootser volgende gaan namaak.	13 Februarie 2024 (2024-02-13)
53	6	Byl vind sy eie DNS op 'n Nabootser-moordtoneel. William se verhouding met sy buurman versleg verder. Jo word in 'n moeilike situasie geplaas en moet haar demone in die gesig staar.	20 Februarie 2024 (2024-02-20)
54	7	Menslike oorskot wat naby 'n slaghuis gevind is, het Byl op die spoor van 'n kunstenaar geplaas. Die eenheid maak 'n deurbraak op die Nabootser se leidrade. Jo en William deel 'n intieme oomblik.	27 Februarie 2024 (2024-02-27)
55	8	Victor neem die finale stappe om sy perfekte kunswerk te voltooi. Mia ontvang 'n boodskap vir Byl vanaf 'n boemelaar. Die inhoud laat hom besef die Nabootser is nader as wat hulle dink.	5 Maart 2024 (2024-03-05)
56	9	Om die Nabootser te stop word 'n wedloop teen tyd. Juan se vermoede dat die moordenaar dalk deel van die eenheid is, ontaard in 'n kantoor geveg, terwyl Byl homself in 'n lokval bevind.	12 Maart 2024 (2024-03-12)
57	10	Byl moet op sy span staatmaak om hom te red, maar hulle moet leidrade oplos en die nuutste Nabootser-slagoffer vind voor dit te laat is. Die moordenaar se finale pakkie het dodelike gevolge.	19 Maart 2024 (2024-03-19)