Die Kavaliers (rolprent)
Kavaliers is 'n 90 minuut lange Afrikaanse oorlogsavontuur wat in 1966 vrygestel is.[1] Die film is deur Elmo de Witt geregisseer met 'n draaiboek deur Jan Perold, Fanus Rautenbach en Piet Schreuder (gebaseer op die verhaal van Pierre Fourie). Die film is vervaardig deur Kavalier Filmproduksies (Tommie Meyer, Bill Venter en Sias Odendaal) en versprei deur Primedia/Nu Metro.[1]
Sinopsis
[wysig | wysig bron]Die Kavaliers, die elite-mag van die ZAR, onderneem 'n geheime sending om ammunisie van die Britse magte te steel en hul militêre planne te ontbloot. Onder leiding van Veldkornet Chris Botha lê hulle verskeie Britse konvooie voor en buit wapens. Chris ontvang dan opdrag om as spioen na die Kaap te gaan en die Britte se invalsplanne te steel. Hy raak verlief op die Engelse generaal se dogter, maar die oorlog is 'n feit – en 'n man se land kom eerste.[1]
Rolverdeling
[wysig | wysig bron]Die rolverdeling is Leon le Roux, Cobus Rossouw, Brenda Bell, Brian O’Shaughnessy, Gerhard Viviers, Carel Trichardt, Petru Wessels, John Dercksen, Johan Malherbe, James Norval, Wena Naudé, Bill Brewer, Doreen Lamb, Dirk de Villiers, George Moore en Patrick Mynardt.[1]
Verwysings
[wysig | wysig bron]- 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.