Die geheim van onderplaas

Geheim van Onderplaas is 'n 82 minuut lange Afrikaanse drama wat in 1962 vrygestel is.^[1] Die film is deur Al Debbo geregisseer met 'n draaiboek deur Anna Cloete, vervaardig deur Irene Film Studios (Al Debbo) en versprei deur Primedia/Nu Metro.^[1]

Sinopsis

Hierdie verhaal handel oor 'n verbode liefde wat Onderplaas bedreig. Elize, die dogter van 'n bywoner, raak verlief op Francois, die seun van die ryk boedeleienaar van Onderplaas. Hulle besluit om weg te loop en in die geheim te trou, maar wanneer Francois se ouers dit ontdek, dwing hulle hom om van haar te skei. Francois is egter onbewus daarvan dat Elize swanger is met hul dogter. Twintig jaar later bevind Elize en haar dogter Lydia hulself weer op Onderplaas. Lydia raak vriende met die eienaar en sy seun – wat eintlik haar pa en halfbroer is – sonder dat enigeen van hulle bewus is van die noue familieband. Wanneer Lydia se halfbroer en sy vriend op haar begin verlief raak, word Elize gedwing om die waarheid te openbaar.

Rolverdeling

Die rolverdeling behels Dawid van der Walt, Paddy Norval, James Norval, Anna Cloete, Sann de Lange, Josh du Toit, Douglas Winn, Peter Geldenhuys, Elsa Fouché, Zona Visser.^[1]

Verwysings

1 2 3 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]