Die generaal van die dooie leër

in Wikipedia, die vrye ensiklopedie
Jump to navigation Jump to search
Die generaal van die dooie leër
Oorspronklike titelGjenerali i Ushtrisë së vdekur
OuteurIsmail Kadare
LandVlag van Albanië Albanië
TaalAlbanees
OnderwerpGeskiedenis
GenreRoman
UitgewerSh.B. Naim Frashëri
Uitgegee1963
Bladsye264
ISBN99927-45-53-3
Letterkunde-portaal

Die generaal van die dooie leër (Albanees: Gjenerali i ushtrisë së vdekur) is 'n 1963-roman deur die Albanese skrywer Ismail Kadare. Die boek is die skrywer se mees krities bekroonde roman.[1] Kadare was aangemoedig om die boek te skryf deur Drago Siliqi, literêre kritikus en direkteur van die staatsbeheerde uitgewery Naim Frashër.[2]

Storielyn[wysig | wysig bron]

Ismail Kadare

In die vroeë 1960's, byna 20 jaar na die Tweede Wêreldoorlog geëindig het, is 'n Italiaanse generaal, saam met 'n priester wat ook 'n Italiaanse weermag kolonel is, na Albanië gestuur om die bene van sy landgenote wat tydens die oorlog gesterf het, op te spoor en te versamel en hulle terug te neem vir begrafnis in Italië. Soos hule opgrawings organiseer, wonder hulle oor die omvang van hul taak. Die generaal praat met die priester oor die nutteloosheid van die oorlog en die betekenisloosheid van die onderneming. As hulle dieper in die Albanese platteland gaan, vind hulle dat hulle deur 'n ander generaal gevolg word wat op soek is na die liggame van Duitse soldate wat in die Tweede Wêreldoorlog gedood is. Net soos sy Italiaanse eweknie, voer die Duitser 'n stryd met die ondankbare taak van soek na oorskot om terug te vat huis toe vir begrafnis, en bevraagteken die waarde van sulke gebare van nasionale trots.

Aanpassings[wysig | wysig bron]

Die generaal van die dooie leër (Italiaans: Il generale dell'armata morta) is 'n Italiaanse drama film van 1983, gebaseer op die roman, vervaardig deur Luciano Tovoli.

Die terugkeer van die dooie leër (Albanees: Kthimi i Ushtrise se Vdekur) is 'n Albanese rolprent van 1989 gebaseer op die roman wat deur Dhimitër Anagnosti vervaardig is.

Die boek is ook aangepas as 'n toneelstuk vir teaters en is 'n gereelde toneelstuk in Albanese teaters en in sommige naburige lande.[3]

Ontvangs[wysig | wysig bron]

Die roman het baie positiewe resensies ontvang. Richard Eder van die New York Times het gesê dat "Kadare beweeg sarkasties en droog in die duisternis in … [hy] voorsien geen boodskappe nie, hy bring hulle tot 'n dodelike lewe."[4] Die Boston Globe noem dit 'n kragtige en bytende Albanese roman. Alan Brownjohn van The Times Literary Supplement het die roman geprys deur dit te noem: "'n diepgaande roman … ryk aan treffende besonderhede".[5]

Die boek is ook ingesluit in die Le Monde se 100 boeke van die eeu.

Verwysings[wysig | wysig bron]

  1. RICHARD EDER for NY Times, 30 September 2008
  2. Jorgaqi, Nasho. "Drago, një jetë e shkurtër, një emër jetëgjatë". Shekulli.
  3. The General of the Dead Army in Skopje, Republic of Macedonia
  4. Editorial Reviews
  5. Alan Brownjohn for Times Literary Supplement

Bron[wysig | wysig bron]

  • Hierdie artikel is vertaal vanuit die Engelse Wikipedia