Die kwikstertjie
Die Kwikstertjie is 'n Afrikaanse rolprent wat in 1974 vrygestel is.[1] Die film is deur Elmo de Witt geregisseer, vervaardig deur Elmo de Witt Films en versprei deur Kinekor/Rand Films.[1]
Sinopsis
[wysig | wysig bron]Die verhaal handel oor Dewald van Blerk (Johannes Slabbert), 'n joernalis wat na agt jaar na sy tuisdorp, Hoffmansdal, terugkeer om verslag te doen oor Lourens de Necker (Fanie Smit) se verkiesingsveldtog. Dit word gou duidelik dat die inwoners van Hoffmansdal hom nie vergewe het vir die insident waar hy Lena O'Brien op die atletiekveld met 'n spies dood gegooi het nie. Die haat teenoor hom eskaleer wanneer Dewald se fotograaf, Willie Hattingh (Tobie Cronjé), 'n ongunstige berig oor die dorp in die koerant plaas. Die enigste persoon wat Dewald tuis laat voel, is Blanche Murray (Zaza Vorster), die bankbestuurder se dogter en verloofde van sy jeugvriend, Kallie Langerman (Heinrich Marnitz).[1]
Rolverdeling
[wysig | wysig bron]Die rolverdeling is Johannes Slabbert (as Dewald van blerk), Fanie Smit (as Lourens de Necker), Tobie Cronjé (as Willie Hattingh), Zaza Vorster (as Blanche Murray), Heinrich Marnitz (as Kallie Langerman), Jan Bruijns (as John van Blerk) en Carel Trichardt (as Thys Fourie).[1]
Verwysings
[wysig | wysig bron]- 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.