Die vyfde seisoen

Die vyfde seisoen is 'n 88 minuut lange Afrikaanse drama wat in 1979 vrygestel is.^[1] Die film is deur Gordon Vorster geregisseer met 'n draaiboek deur Gordon Vorster en Emil Nofal, vervaardig deur Elmo de Witt Films (Emil Nofal) / Satbel Films (Media) en versprei deur Primedia/Nu Metro.^[1]

Sinopsis

Motorfietsrenjaers ken die risiko's deeglik: 'n verlies aan balans op die baan lei onvermydelik tot 'n stofryke, pynlike dood. Vir die professionele renjaer kom daar 'n skokkende oomblik wanneer die gehoor se gejuig, die brullende enjins, die sweet, pyn, lyding en die reuk van uitlaatgas skielik verdwyn. Alles vervaag, en die plesier van oorwinning verander skielik en skokkend in 'n aaklige oomblik van waansin op die renbaan. Al wat oorbly is trane, seer en 'n onaangename doodsreuk.^[1]

Rolverdeling

Die rolverdeling is Martin Dreyer (as Wynand Maritz), Louise Roux (as Louise Reynecke), Zack du Plessis (as Joe van Altena), Danny Keogh (as Lukas Mellet), Tarina Klein (as Maggie), Barry Trengove (as Koot Terblanche), Elize Lizamore (as Anita), Anthony Fridjon (as Costa), Leslie Richfield, Mercedes Molina, Lerina Erasmus, Willie Esterhuizen, en Ben Kruger.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]