Dieprivier (Swartland)

in Wikipedia, die vrye ensiklopedie
Jump to navigation Jump to search
Hierdie artikel handel oor die rivier in die Swartland, Vir ander betekenisse, sien Dieprivier (dubbelsinnig)
Dieprivier
Oorsprong Kasteelberg Natuurreservaat
Monding Atlantiese oseaan
Stroomgebied Suid-Afrika
Monding-hoogte 0 m
Ligging van Dieprivier op 'n kaart (Wes-Kaap)
Dieprivier
Dieprivier
Koördinate: 33°22′S 18°51′O / 33.367°S 18.850°O / -33.367; 18.850Koördinate: 33°22′S 18°51′O / 33.367°S 18.850°O / -33.367; 18.850

Die Dieprivier loop uit die omgewing van Riebeek-Kasteel suidwaarts deur die Swartland tot waar dit by Milnerton in die Atlantiese Oseaan uitmond.

Stroomgebied[wysig | wysig bron]

By die Kasteelberg Natuurreservaat suidwes van Riebeek-Kasteel ontspring die Riebeeksrivier. Dit vloei dan net noord van die R46-pad weswaarts en daar verander die naam na Dieprivier. In Malmesbury sluit die Platkliprivier van noordwes aan. Daarna loop dit suidwaarts verby die dorpies Abbotsdale, Kalbaskraal en Philadelphia. Suidoos van Philadelphia sluit die Mosselbankrivier vanaf Fisantekraal aan. By Klipheuwel vloei van oos die Klapmutsrivier vanaf die Agter-Paarl en Paardeberg op sy beurt in die Mosselbank. By die aansluiting van die Visserskhokpad (M48) by die N7-nasionale pad draai die Dieprivier na wes van die hoofpad. Van hier af en en wes van Potsdamweg en Koebergweg is die rivierloop 'n vleiland. In die Rietvlei Natuurreservaat is die rivier gekanaliseer. By Woodbridge Island by Milnerton vloei dit met 'n wye vlak lagune die see in.

Verskeie name[wysig | wysig bron]

Die rivier het in die verlede ook bekend gestaan onder die name Hollands Rietbeecq, Soutrivier en Vissershokrivier.

Watergebruik[wysig | wysig bron]

Omdat die water brak is, is dit nie meer geskik vir boerderydoeleindes nie. Slegs as die rivier sterk loop, kan die water gebruik word. Boere in die omgewing is aangewese op boorgate.

Natuurreservaat[wysig | wysig bron]

Die Dieprivier Fynbos Korridor is in Junie 2012 gestig.

Geskiedenis[wysig | wysig bron]

By Rietvlei was een van die VOC se veekrale. Die eerste Europese verkenners se pad na Saldanhabaai het hier verbygeloop. In 1685 het Simon van der Stel en Hieronimus Cruse die Swartland en die stroomgebied besoek. Vir baie jare het seilskepe stroom op gevaar na die plaas Vissershok om plaasprodukte op te laai. Van Van Riebeeck se tyd tot in die 18de eeu is sout versamel in die vleie by die huidige Rugby en Brooklyn. In 1905 was baggerbote besig om die rivier dieper te maak sodat roeiwedstryde kon plaasvind. Later is die riviermond met sand toegespoel.

Let Wel[wysig | wysig bron]

In Suid-Afrika is daar verskeie riviere met die naam Dieprivier. Onder andere die volgende:

  • Dieprivier (Kaapse Skiereiland)
  • Dieprivier (Swartland)
  • Dieprivier (Langkloof)
  • Dieprivier (Outeniqualand)
  • Dieprivier (Polokwane)

en ook 'n deel van die stad Kaapstad dra die naam Dieprivier.

Bibliografie[wysig | wysig bron]

  • Burman, Jose: Safe to the sea. Kaapstad: Human & Rousseau, 1962.
  • Burman, Jose: Waters of the Western Cape. Kaapstad: Human & Rousseau, 1970.
  • Green, Lawrence G.: Tavern of the seas. Kaapstad: Howard Timmins, s.j.