Diogo Jota
 Jota in April 2025 | |||
| Persoonlike inligting | |||
|---|---|---|---|
| Geboortedatum | 4 Desember 1996[1] | ||
| Geboorteplek | Porto, Portugal | ||
| Sterfdatum | 3 Julie 2025 (op 28) | ||
| Sterfplek | Cernadilla, Spanje | ||
| Lengte | 1,78 m | ||
| Speelposisie | Aanvaller, linkervleuel | ||
| Jeugloopbaan | |||
| 2005–2013 | Gondomar S.C. | ||
| 2013–2015 | Paços de Ferreira | ||
| Seniorloopbaan* | |||
| Jare | Span | Kere† | (Doele)† |
| 2014–2016 | Paços de Ferreira | 41 | (14) |
| 2016–2018 | Atlético Madrid | 0 | (0) |
| 2016–2017 | → Porto (leen) | 27 | (8) |
| 2017–2018 | → Wolves (leen) | 44 | (17) |
| 2018–2020 | Wolves | 67 | (16) |
| 2020–2025 | Liverpool | 123 | (47) |
| Totaal | 302 | (102) | |
| Nasionale span | |||
| 2014–2015 | Portugal o/19 | 9 | (5) |
| 2015–2018 | Portugal o/21 | 20 | (8) |
| 2016 | Portugal o/23 | 1 | (1) |
| 2019–2025 | Portugal | 49 | (14) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Diogo José Teixeira da Silva (4 Desember 1996 – 3 Julie 2025), algemeen bekend as Diogo Jota (wat verwys na die Portugese woord vir die letter J), was ’n Portugese professionele sokkerspeler wat as ’n aanvaller of linkervleuel gespeel het. Jota was bekend vir sy kliniese afwerking, ontploffende spoed en dribbelvermoë.[2]
Jota het sy loopbaan by Paços de Ferreira begin voordat hy in 2016 by die La Liga-klub Atlético Madrid aangesluit het. Na twee seisoene in La Liga is hy agtereenvolgens uitgeleen aan die Primeira Liga-klub FC Porto in 2016 en die EFL-kampioenskapklub Wolverhampton Wanderers in 2017. Nadat hy gehelp het om hulle na die Premier League te bevorder, het hy in 2018 permanent by die klub aangesluit vir 'n berigte €14 miljoen en het 131 wedstryde vir hulle gespeel en 44 doele aangeteken. In 2020 het hy by Liverpool aangesluit vir ’n bedrag wat na bewering £41 miljoen was.
Jota het sy land op o/19-, o/21- en o/23-vlakke verteenwoordig.[3][4] Hy was deel van die groep van die Portugese senior nasionale span wat in Junie die 2019 UEFA Nations League-eindronde op eie bodem gewen het, maar het nie in enige wedstryd opgedaag nie. Op 14 November het hy sy debuut vir die senior span gemaak toe hy in die 84ste minuut as plaasvervanger vir Cristiano Ronaldo ingestuur is in ’n 6–0 oorwinning teen Litaue in ’n kwalifiserende wedstryd vir die Europese Kampioenskap. Hy het sy eerste internasionale doel op 5 September 2020 aangeteken in ’n 4–1 tuisoorwinning teen Kroasië in die UEFA Nations League. Hy is ingesluit in die groepe vir die Wêreldbekertoernooi in 2022 en twee Europese Kampioenskappe (2020 en 2024). Hy het die Nations League in 2025 gewen nadat hy as ’n plaasvervanger op die veld gekom het in die eindstryd teen Spanje in München.
Die eindstryd in München was Diogo Jota se laaste sokkerwedstryd. Vroegoggend op 3 Julie 2025 het hy saam met sy 25-jarige broer omgekom toe sy Lamborghini Huracan Evo Spyder op die snelweg buite die dorpie Cernadilla in die noordwestelike deel van Spanje van die pad geloop en aan die brand geslaan het.[5][6][7] Die nuus van hulle dood het die sokkerwêreld geskok.[8] Diogo Jota was 10 dae vroeër met Rute Cardoso getroud en hulle het saam drie kinders gehad.[9]
Verwysings
[wysig | wysig bron]- ↑ "Diogo Jota: Overview". Premier League. Geargiveer vanaf die oorspronklike op 7 Junie 2022. Besoek op 8 Junie 2025.
- ↑ Segar, David; Sisneros, Matt; Whitmore, Jonny (24 Januarie 2024). "Is Ruthless Diogo Jota Liverpool's Clinical Forward?". OptaAnalyst. Besoek op 1 September 2024.
- ↑ "Portugal (sub-20): André Horta e Diogo Jota convocados para estágio". Maisfutebol (in Portugees). 22 Januarie 2016. Geargiveer vanaf die oorspronklike op 28 Desember 2019. Besoek op 7 Junie 2018.
- ↑ "Portugal-México, 4–0" [Portugal-Mexico, 4–0]. Record (in Portugees). 28 Maart 2016. Geargiveer vanaf die oorspronklike op 12 Junie 2018. Besoek op 7 Junie 2018.
- ↑ Wyatt, Mark en Williams, Kieren (3 Julie 2025). "Diogo Jota dies latest: Liverpool forward killed in car crash in Spain two weeks after his wedding". Sky News. Geargiveer vanaf die oorspronklike op 3 Julie 2025. Besoek op 3 Julie 2025.
- ↑ Rodrígues, Ángel (3 Julie 2025). "Muere el futbolista del Liverpool Diogo Jota en un accidente de tráfico en la provincia de Zamora". MARCA (in Spaans). Besoek op 3 Julie 2025.
- ↑ "My dream came true, his wife wrote about their wedding. Just 11 days later, Liverpool's Diogo Jota died in late-night Lamborghini crash: GUY ADAMS on a life cut short and a day that plunged football into mourning". The Daily Mail. 4 Julie 2025. Besoek op 4 Julie 2025.
- ↑ "Diogo Jota: Reactions to death of Liverpool and Portugal star". Al Jazeera. 3 Julie 2025. Besoek op 3 Julie 2025.
- ↑ "Diogo Jota's final Instagram post was of wedding day after marrying just days ago". liverpool.com. 3 Julie 2025. Besoek op 3 Julie 2025.
