Dnjepr

in Wikipedia, die vrye ensiklopedie
(Aangestuur vanaf Dnieper)
Dnjepr
Днепр (Russies)
Дняпро (Belarussies)
Дніпро (Oekraïens)
Die Dnjepr-rivier soos gesien vanaf ’n heuwel in Kijif, Oekraïne.
Die Dnjepr-rivier soos gesien vanaf ’n heuwel in Kijif, Oekraïne.
Die Dnjepr-rivier soos gesien vanaf ’n heuwel in Kijif, Oekraïne.
Die stroomgebied van die Dnjepr.
Stroomgebied Vlag van Rusland Rusland
Vlag van Belarus Belarus
Vlag van Oekraïne Oekraïne
Oorsprong Waldaiheuwels, Rusland
Monding Dnjeprdelta
Lengte 2 201 km
Oorsprong-hoogte 220 m
Monding-hoogte 0 m
Gemiddelde afloop 1 670 m³/s
Stroomgebiedopp. 516 300 km²
Kaart van die Dnjeprbekken in Europa.
Kaart van die Dnjeprbekken in Europa.
Kaart van die Dnjeprbekken in Europa.


Die Dnjepr of Dnipro (Russies: Днепр; Belarussies: Дняпро; Oekraïens: Дніпро; Engels: Dnieper) is 'n rivier wat van die Waldaiheuwels naby Smolensk in Rusland deur Belarus en Oekraïne na die Swartsee vloei. Dit is die langste rivier in Oekraïne en Belarus en die vierde langste een in Europa (ná die Wolga, Donau en Oeral).[1] Die totale lengte is 2 200 km[2] en dit het ’n stroomgebied van 516 300 km².

In die oudheid was die rivier deel van die Barnsteenroetes. In die tweede helfte van die 17de eeu het die Pools-Litause Gemenebes en die Tsaredom Rusland om die gebied meegeding en is Oekraïne verdeel tussen die linker- en regteroewer. In die Sowjettyd het die rivier bekend geword vir sy hidroëlektrisiteitsdamme en groot reservoirs. Die Tsjernobil-kernramp van 1986 het aan die Pripjatrivier, net bo dié sytak se samevloei met die Dnjepr, voorgekom.

Die Dnjepr is ’n belangrike begaanbare waterweg vir die ekonomie van Oekraïne en word deur die Dnjepr-Boegkanaal aan ander waterweë in Europa verbind.

Naam[wysig | wysig bron]

Die naam Dnjepr is afgelei van óf Sarmaties óf Skities en beteken "die verafgeleë rivier".[3] (Daarteenoor beteken Dnister die "nabygeleë rivier".)

Verwysings[wysig | wysig bron]

  1. "Dnieper River | river, Europe | Britannica". www.britannica.com (in Engels). Besoek op 25 Mei 2022.
  2. "Main Geographic Characteristics of the Republic of Belarus. Main characteristics of the largest rivers of Belarus". Land of Ancestors. Data of the Ministry of Natural Resources and Environmental Protection of the Republic of Belarus. 2011. Besoek op 27 September 2013.
  3. Mallory, J.P. en Victor H. Mair. The Tarim Mummies: Ancient China and the Mystery of the Earliest Peoples from the West. Londen: Thames and Hudson, 2000. p. 106

Eksterne skakels[wysig | wysig bron]