Doebrofka-gyselaardrama
Die Doebrofka-gyselaardrama, ook bekend as die Nord-Ost-gyselaardrama, was die oorname van ’n stampvol Doebrofka-teater in Moskou op 23 Oktober 2002 deur 40 tot 50 gewapende rebelle wat beweer het hulle het bande met die Islamitiese seperatiste-beweging in Tsjetsjnië.[1] Hulle het 850 gyselaars geneem wat ’n opvoering van die musiekblyspel Nord-Ost bygewoon het, en die onttrekking van Rusland se soldate aan Tsjetsjnië asook die beëindiging van die Tweede Tsjetsjniese Oorlog geëis.
Ná ’n beleg van twee en ’n half dae het Russiese magte ’n onbekende chemiese stof, moontlik fentanil, in die teater ingepomp en dit bestorm.[1] 39 van die aanvallers is deur die Russiese magte dood gemaak, asook 129 van die gyselaars. Feitlik al die gyselaars wat dood is, se lewe is geëis deur die giftige stof wat in die teater ingepomp is om die rebelle te verdoof.[2][3] Die gebruik van die gas is wyd veroordeel, maar Rusland het gesê daar was nie veel van ’n keuse nie omdat die 50 rebelelle bereid was om die gyselaars te vermoor en self te sterf.[4]
Dokters in Moskou het die regering se weiering om bekend te maak watter gas gebruik is, veroordeel omdat hulle meer lewens sou kon red as hulle dit geweet het.
Drie militante groepe wat in 2003 in ’n verslag deur die VSA as gewelddadige organisasies met bande met Al-Kaïda beskryf is, het aan die aanval deelgeneem. In dieselfde verslag het die VSA sy steun aan ’n politieke oplossing vir die Tsjetsjniese konflik toegesê en ’n beroep op Rusland gedoen om so ’n oplossing te vind.[5]
Die militêre aanvoerder Sjamil Basajef het in ’n verklaring op sy webtuiste verantwoordelikheid vir die aanval aanvaar en belowe daar sou nog sulke aanvalle wees.[6][7]
Verdere leesstof
[wysig | wysig bron]- The 2002 Dubrovka and 2004 Beslan Hostage Crises: A Critique of Russian Counter-Terrorism, John B. Dunlop (ISBN 3-89821-608-X)
- Report on the crisis and legal proceedings, gepubliseer op 26 April 2006 (met byvoegsels in Russies, byvoegsels vertaal)
Verwysings
[wysig | wysig bron]- ↑ 1,0 1,1 Modest Silin, Hostage, Nord-Ost siege, 2002 Geargiveer 26 Junie 2008 op Wayback Machine, Russia Today, 27 Oktober 2007
- ↑ Gas "killed Moscow hostages", ibid.
- ↑ "Moscow court begins siege claims", BBC News, 24 Desember 2002
- ↑ "Moscow siege gas 'not illegal'". BBC News (in Engels). 29 Oktober 2002. Geargiveer vanaf die oorspronklike op 30 November 2019. Besoek op 13 Maart 2012.
- ↑ US blacklists Chechen groups, BBC News, 1 Maart 2003
- ↑ Chechen warlord claims theatre attack, BBC News, 1 November 2002
- ↑ Russian Lawmakers Vote to Curb News Media – Terrorism Reporting Restricted After Crisis Geargiveer 12 Oktober 2012 op Wayback Machine Peter Baker, Washington Post, 2 November 2002, A.18
Eksterne skakels
[wysig | wysig bron]- Nord-Ost.org (ru)
- Nord-Ost. Memorial Book of Lost Hostages Webtuiste wat ’n toekenning gewen het
- In quotes: Moscow hostage crisis, BBC News, 25 Oktober 2002
- Tydlyn van die krisis, BBC News, 26 Oktober 2002
- Moscow theatre siege, The Guardian, 28 Oktober 2002
Hierdie artikel is vertaal uit die Engelse Wikipedia
