Tesis

in Wikipedia, die vrye ensiklopedie
(Aangestuur vanaf Doktorale tesis)
Voorblad van Søren Kierkegaard se tesis (1841).

'n Proefskrif, verhandeling, tesis of dissertasie is 'n dokument wat ter ondersteuning van 'n akademiese graad of professionele kwalifikasie geskryf word. Dit bied die skrywer se navorsing en bevindings aan.[1] Die woord "tesis" kom van die Griekse θέσις, wat "posisie" beteken en na 'n intellektuele formulering (proposisie) verwys.

Magistertesis[wysig | wysig bron]

'n Magistertesis of meestersverhandeling is 'n proefskrif of navorsingsverslag wat vir die verwerwing van 'n meestersgraad aan 'n universiteit voorberei word. So 'n proefskrif is gewoonlik van 'n bepaalde lengte (tipies tussen 40 000 en 50 000 woorde) en moet bewys dat die kandidaat die bepaalde onderwerp bemeester het. Dit hanteer ’n verdedigbare argument wat nie noodwendig ’n oorspronklike bydrae is nie. ’n Mondelinge eksamen word ook soms vereis voordat 'n meestersgraad toegestaan word.

Doktorale tesis[wysig | wysig bron]

'n Doktorale verhandeling is 'n proefskrif of navorsingsverslag wat vir die verwerwing van 'n doktorsgraad voorberei en aan 'n universiteit se senaat voorgelê word. So 'n proefskrif is gewoonlik van 'n bepaalde lengte (normaalweg tussen 70 000 en 90 000 woorde) en moet toon dat die kandidaat ’n bepaalde bydrae tot die verryking van kennis op die gekose gebied, met blyke van onafhanklike kritiese oordeelsvermoë, gelewer het. Verder moet die proefskrif ’n oorspronklike bydrae bevat ten opsigte van die gekose studieveld wat van so ’n gehalte is dat dit in ’n geskikte vaktydskrif of boek gepubliseer kan word. ’n Mondelinge eksamen (of openbare verdediging) word ook soms vereis voordat 'n doktorsgraad toegestaan word.

Verdere naleeswerk[wysig | wysig bron]

  • A. Lourens en L. Bedeker, Wetenskaplike skryfvaardighede: Riglyne vir die skryf van tesisse en proefskrifte, 2004, ISBN 978-1-919980-09-6

Verwysings[wysig | wysig bron]

  1. Internasionale Standaard ISO 7144: Documentation -- Presentation of theses and similar documents, Internasionale Standaardeorganisasie, Geneva, 1986.

Eksterne skakels[wysig | wysig bron]