Don't Let's Go to the Dogs Tonight

Don't Let's Go to the Dogs Tonight
Regisseur	Embeth Davidtz
Vervaardiger	Helena Spring Paul Buys Embeth Davidtz
Draaiboek	Embeth Davidtz
Geskoei op	Don't Let's Go to the Dogs Tonight deur Alexandra Fuller
Met	Lexi Venter Embeth Davidtz Zikhona Bali Fumani Shilubana Rob van Vuuren Anina Reed
Musiek deur	Chris Letcher
Kinematografie	Willie Nel
Ateljee	Rose and Oaks Media
Verspreider	Filmfinity
Uitgereik	30 Augustus 2024 (2024-08-30): Telluride 30 Augustus 2024 (2024-08-30): Suid-Afrika
Speeltyd	100 minute
Land	Suid-Afrika
Taal	Engels, Shona
IMDb-profiel

Don't Let's Go to the Dogs Tonight is 'n Suid-Afrikaanse dramarolprent van 2024 wat deur Embeth Davidtz geskryf en geregisseer is. Dit was haar debuutrolprent as regisseur. Die prent is geskoei op die memoires met dieselfde naam van 2001 deur Alexandra Fuller oor die ondervinding van haar wit Zimbabwiese gesin ná die Rhodesiese Bosoorlog. Die première was op 30 Augustus 2024 op die Internasionale Telluride-rolprentfees.

Rolverdeling

Embeth Davidtz

Rob van Vuuren

• Lexi Venter as Alexandra "Bobo" Fuller
• Embeth Davidtz as Nicola Fuller
• Zikhona Bali as Sarah
• Fumani Shilubana as Jacob
• Rob van Vuuren as Tim Fuller
• Anina Reed as Vanessa Fuller

Storielyn

---

Bederwingswaarskuwing: Die storielyn en/of storie se einde volg hieronder.

---

Lexi Venter is Bobo Fuller, 'n plaasmeisie wat haar gesin se ondervinding waarneem terwyl Rhodesië in 1980 Zimbabwe word en die land ná die Rhodesiese Bosoorlog 'n swart meerderheidsregering onder Robert Mugabe kry. Dit beeld nie net die wit mense se onmag uitstekend uit nie, maar ook hulle onbegrip van die veranderende toestande waarin hulle leef.

Bobo neem alles met onskuldige oë waar; sy verstaan nie die plaaswerkers se negatiewe houding teenoor haar en haar ma se al hoe vreemder optrede namate die spanning toeneem nie. Eindelik het die gesin geen ander keuse as om die plaas te verkoop nie en wyk hulle na Zambië uit.

Ontvangs

Op Rotten Tomatoes is 91% van die 65 resensies positief. Die webtuiste se konsensus lui: "Die prent pak moeilike temas by die horings, met wonderlike spel deur Lexi Venter. Dit is 'n treffende rolprentdebuut deur die skrywer-regisseur en medeaktrise Embeth Davidtz."

Skakels

• Don't Let's Go to the Dogs Tonight in die Internet-rolprentdatabasis

• Hierdie artikel is in sy geheel of gedeeltelik uit die Engelse Wikipedia vertaal.