Donker web

in Wikipedia, die vrye ensiklopedie

Die donker web is die inhoud van die wêreldwye web wat op donkernette bestaan, oorlegnetwerke wat die Internet gebruik, maar wat spesifieke sagteware, konfigurasies of toegangsreg vereis.[1][2] Die donker web vorm 'n klein deel van die diep web, die deel van die web wat nie deur soekenjins geïndekseer word nie, hoewel die term diep web verkeerdelik gebruik word om spesifiek na die donker web te verwys.[3][1][4][5][6][1]

Die donkernette wat die donker web uitmaak, sluit in klein, vriend-tot-vriend-eweknienetwerke, sowel as groot, gewilde netwerke soos Tor, Freenet, I2P, en Riffle wat deur openbare organisasies en individue bedryf word. Gebruikers van die donker web verwys na die gewone web as die "Clearnet" weens sy ongekodeerde aard.[7] Die Tor-donker web kan na verwys word as onionland,[8] 'n verwysing na die netwerk se topvlak-domein-agtervoegsel (.onion) en die "verkeer-anonimisietegniek van uie"-roetering.

Terminologie[wysig | wysig bron]

Die donker web word dikwels verwar met die diep web, wat verwys na die dele van die web wat nie deur soekenjins geïndekseer word nie (en dus nie soekbaar is nie). Hierdie verwarring dateer terug na ten minste 2009.[9] Sedertdien, veral in die rapportering oor die Silk Road-mark, word die twee terme dikwels gekombineer,[10][11][12] ten spyte van die nuttigheid om hul tog apart te beskou.[5][4][3][1]

Definisie[wysig | wysig bron]

Toegang tot die donker web deur middel van die Tor webblaaier. (In Duits)

Donkernet-webwerwe is slegs toeganklik via netwerke soos Tor ("The Onion Routing" -projek) en I2P ("Invisible Internet Project").[13] Die Tor webblaaier en Tor-toeganklike webwerwe word algemeen gebruik onder die donkernet-gebruikers en kan geïdentifiseer word deur die domein ".onion".[14] Terwyl Tor fokus op anonieme toegang tot die internet, spesialiseer I2P om anonieme huisvesting van webwerwe toe te laat.[15] Identiteite en liggings van donkernet-gebruikers bly anoniem en kan nie gevolg word nie as gevolg van die gelaagde enkripsiestelsel. Die donkernet-enkripsietegnologie herlei gebruikers se data deur 'n groot aantal intermediêre bedieners, wat die gebruikers se identiteit beskerm en anonimiteit waarborg. Die oorgedra inligting kan slegs deur 'n daaropvolgende nodus in die skema gedekripteer word, wat na die uitgangskode lei. Die ingewikkelde stelsel maak dit amper onmoontlik om die nodepad te reproduseer en die inligting laag vir laag te dekripteer.[16] As gevolg van die hoë vlak van enkripsie, kan webwerwe nie gelokaliseer word nie en die IP-adres van hul gebruikers nie opspoor word nie, en gebruikers kan nie hierdie inligting oor die gasheer kry nie. So, kommunikasie tussen donkernet gebruikers is hoogs geïnkripteer sodat gebruikers kan praat, blog, en lêers vertroulik deel.[17]

Die donker web word ook gebruik vir onwettige aktiwiteite soos onwettige handel, forums en media-uitruil vir pedofiele en terroriste.[18] Terselfdertyd het tradisionele webwerwe alternatiewe toeganklikheid vir die Tor-blaaier geskep in pogings om met hul gebruikers te koppel. ProPublica het byvoorbeeld 'n nuwe weergawe van sy webwerf bekendgestel wat uitsluitlik vir Tor-gebruikers beskikbaar is.[19]

Inhoud[wysig | wysig bron]

'n Desember 2014-studie deur Gareth Owen van die Universiteit van Portsmouth het bevind dat die mees algemene tipe inhoud op Tor kinderpornografie was, gevolg deur swart markte, terwyl die individuele webwerwe met die hoogste verkeer toegewy was aan botnet-bedrywighede.[20] Baie fluitjieblaaswebwerwe handhaaf 'n teenwoordigheid[21] sowel as politieke besprekingsforums.[22] Webwewe wat verband hou met Bitcoin, bedrogverwante dienste en posbestellingsdienste is van die mees produktiewe op die donker web.[20]

In Julie 2017 het Roger Dingledine, een van die drie stigters van die Tor-projek, gesê dat die weblaaier hoofsaaklik vir Facebook gebruik word, weens privaatheidsredes en dat die donker web slegs 3% van die verkeer in die Tor-netwerk uitmaak.[23]

'n Meer onlangse studie in Februarie 2016 van navorsers aan King's College Londen gee die volgende uiteensetting van inhoud deur 'n alternatiewe kategorie te gebruik wat die onwettige aanwending van .onion-dienste beklemtoon.[24][25]

Botnets[wysig | wysig bron]

Botnets word dikwels gestruktureer met hul bevel en beheer (B&B) bedieners gebaseer op 'n sensuur-weerstandige verborge diens, wat 'n groot hoeveelheid botverwante verkeer kan skep.[20][26]

Bitcoin dienste[wysig | wysig bron]

Bitcoin dienste soos tuimelaars (tumblers) is dikwels beskikbaar op Tor, en sommige - soos Grams - bied donkernet-markintegrasie.[27][28] 'n Navorsingsstudie onderneem deur Jean-Loup Richet, 'n navorsingsgenoot by die ESSEC, en uitgevoer met die Verenigde Nasies se kantoor oor dwelms en misdaad, het nuwe tendense in die gebruik van Bitcoin-tuimelaars vir geldwassery aan die lig gebring. 'n Algemene benadering was om 'n digitale geldeenheidwisselaardiens te gebruik wat Bitcoin omskep het in aanlyn-speelbewyse (soos goue munte in World of Warcraft) wat later in geld omgeskakel sal word.[29][30] Daar is getoon dat die blokketting en kriptogeld gebruik kan word om die donker web te reguleer.[31]

Donker webmarkte[wysig | wysig bron]

Webblad van die Silk Road, 'n donker webmark.

Die kommersiële donker webmarkte, wat transaksies vir onwettige dwelms[32] en ander goedere bemiddel, het beduidende media dekking ontlok, wat begin met die gewildheid van die Silk Road en die Diabolus Market[33] en die daaropvolgende beslagleggings deur regeringsowerhede.[34] Ander markte verkoop sagteware-eksploitasie sagteware[35] en wapens[36]. Ondersoek van prysverskille in donker webmarkte teenoor pryse in die werklike lewe of oor die Wêreldwye Web is gepoog, asook studies oor die kwaliteit van goedere wat oor die donker web ontvang word.

Een so 'n studie is uitgevoer op Evolution, een van die gewildste kripto-markte wat aktief was vanaf Januarie 2013 tot Maart 2015.[37] Alhoewel dit gevind is dat die digitale inligting, soos verbergingsmetodes en die versendingsland, "akkuraat lyk", het die studie kwessies met die kwaliteit van onwettige dwelms wat in Evolution verkoop word ontbloot, waarin verklaar word dat "... die suiwerheid van onwettige dwelms anders is as die inligting wat op hul onderskeie noterings aangedui word."[37] Minder is bekend oor verbruikersmotivering vir toegang tot hierdie markte en faktore wat verband hou met hul gebruik.[38]

Stelselindringer groepe en dienste[wysig | wysig bron]

Baie stelselindringers verkoop hul dienste óf individueel óf as deel van groepe.[39] Sulke groepe sluit in xDedic, hackforum, Trojanforge, Mazafaka, dark0de en die TheRealDeal darknet-market.[40] Sommige is bekend om skynbare pedofiele op te spoor en te ontbloot (doxing) of af te pers.[41] Kubermisdaad en stelselindringing-dienste vir finansiële instellings en banke is ook oor die donker web aangebied.[42] Pogings om hierdie aktiwiteit te monitor, is deur verskeie regerings- en privaatorganisasies gedoen, en 'n ondersoek na die gereedskap wat gebruik word, is in die Procedia Computer Science Journal.[43] Gebruik van Internet-skaal DNS Distributed Reflection Denial of Service (DRDoS) aanvalle is ook geskep deur die gebruik van die donker web.[44] Daar is baie bedrogspul .onion webwerwe ook teenwoordig wat uiteindelik gereedskap gee vir aflaai wat besmet is met Trojaanse perde of agterdeure.

Bedrogdienste[wysig | wysig bron]

Daar is talle forums gefokus op kredietkaarte, PayPal en Bitcoin-handelwebwerwe, sowel as handel webwerwe asook bedrog- en vervalsingsdienste.[45] Baie van sulke webwerwe is self swendelary.[46]

Kullery en ongeverifieerde inhoud[wysig | wysig bron]

Daar is berigte van groepbefondste sluipmoorde en huurmoordenaars[36][47], hoewel dit egter beskou word as uitsluitlik swendelary.[48][49] Die skepper van Silk Road, Ross Ulbricht, is in hegtenis geneem deur Homeland Security investigations (HSI) vir sy webwerf en die bewering dat hy 'n huurmoordenaar gehuur om ses mense dood te maak, hoewel die aanklagte later laatvaar is.[50][51]

Daar is 'n stedelike legende dat mens 'n lewendige uitsending van 'n moord op die donker web kan vind. Die term "Red Room" is geskep gebaseer op die Japannese animasie en stedelike legende van dieselfde naam. Die getuienis dui egter daarop dat alle gevalle wat tot dusver gerapporteer is, vals is.[52][53]

Phishing en swendelary[wysig | wysig bron]

Phishing via gekloone webwerwe en ander bedrogspulwebwerwe is volop[54][55], met donkernetmarkte wat dikwels met bedrieglike URL's geadverteer word.[56][57]

Raaisels[wysig | wysig bron]

Raaisels soos Cicada 3301 en opvolgers gebruik soms verborge dienste om anoniem leidrade te gee, wat dikwels spekulasie tov die identiteit van hul skeppers verhoog.[58]

Onwettige pornografie[wysig | wysig bron]

Daar is gereelde wetstoepassingsaksies teen webwerwe wat kinderpornografie versprei[59][60] - dikwels deur die inhoud van die webwerf te benadeel deur die verspreiding van virusse aan die gebruikers.[61][62] Webwerwe gebruik komplekse stelsels van gidse, forums en gemeenskapsregulering.[63] Ander inhoud sluit seksuele marteling en doodmaak van diere[64] en wraakpornografie in.[65]

Terrorisme[wysig | wysig bron]

Daar is ten minste 'n paar egte maar ook bedrieglike webwerwe wat daarop aanspraak maak dat dit gebruik word deur terroriste soos ISIL (ISIS), insluitende 'n valse een wat in Operation Onymous beslag gelê is.[66] In die nasleep van die November 2015 Parys aanvalle is 'n werklike sodanige webwerf oorgeneem deur 'n Anonymous geaffilieerde kuberkrakergroep GhostSec en vervang met 'n advertensie vir Prozac.[67] Die Rawti Shax-Islamitiese groep was geidentifiseer dat dit op 'n staduim op die donker web aktief was.[68]

Sosiale media[wysig | wysig bron]

Binne die donker web bestaan daar opkomende sosiale media-platforms soortgelyk soos dié op die Wêreldwye Web. Facebook en ander tradisionele sosiale media-platforms het donker-web weergawes van hulle webwerwe begin maak om probleme wat met die tradisionele platforms verband hou, aan te spreek en om hul diens op alle gebiede van die Wêreldwye Web te behou.[19]

Kommentaar en polisiëring[wysig | wysig bron]

Alhoewel baie van die donker web onskadelik is, is sommige aanklaers en regeringsinstansies onder meer bekommerd dat dit 'n toevlugsoord vir kriminele aktiwiteite is.[69] Spesiale nuuswebwerwe soos DeepDotWeb[70][71] en All Things Vice[72] bied nuusdekking en praktiese inligting oor donker webwerwe en dienste. Die verborge Wiki en sy spieël webwerwe en gevurkte webwerwe hou op enige gegewe tydstip van die grootste inhoudsopgawes oor die donker web.

Gewilde bronne van die donker web .onion skakels sluit in Pastebin, YouTube, Twitter, Reddit en ander internetforums.[73] Spesialismaatskappye met Darksum en Recorded Future volg web-kubermisdaad vir wetstoepassingsdoeleindes.[74] In 2015 is aangekondig dat Interpol nou 'n toegewyde webprogram aanbied wat tegniese inligting bevat oor Tor, kuberveiligheid en gesimuleerde teen-donkernetmarkte aksies.[75]

In Oktober 2013 het die Verenigde Koninkryk se Nasionale Misdaadagentskap en die GCHQ die vorming van 'n 'Joint Operations Cell' aangekondig om op kubermisdaad te fokus.[76] In November 2015 sal hierdie span die taak hê om kinderuitbuiting op die donker web sowel as ander kubermisdaad aan te pak.[77]

In Maart 2017 het die Congressional Research Service 'n uitgebreide verslag oor die donker web vrygestel, wat wys op die veranderende dinamika van hoe inligting bekom word en aangebied word op die donker web; gekenmerk deur die onbekende, is dit van toenemende belang vir navorsers, wetstoepassers en beleidsmakers.[78]

In Augustus 2017 het dit bekend geword dat korporatiewe sekuriteitsfirmas wat spesialiseer in die monitering en ondersoek van die donker web namens banke en handelaars gereeld hul bevindings met die FBI en met ander wetstoepassingsagentskappe, wanneer dit moontlik en nodig is, aangaande onwettige inhoud, deel. Die Russies-sprekende ondergrondse groepe se aanbod van misdaad-as-'n-diens-model word as besonder robuust beskou.[79]

Joernalistiek[wysig | wysig bron]

Baie individuele joernaliste, alternatiewe nuusorganisasies, opvoeders en navorsers is invloedryk oor hul kennis van die donker web, en maak die gebruik van die donker web duidelik vir die algemene publiek.

Jamie Bartlett[wysig | wysig bron]

Jamie Bartlett is 'n joernalis en tegnologie blogger vir The Telegraph en Direkteur van die Sentrum vir die Analise van Sosiale Media vir Demos in samewerking met die Universiteit van Sussex. In sy boek, The Dark Net,[80] illustreer Bartlett die wêreld van die donker web en die implikasies daarvan vir menslike gedrag in verskillende kontekste. Byvoorbeeld, die boek begin met die verhaal van 'n jong meisie wat positiewe terugvoer soek om haar selfbeeld te bou deur naak aanlyn te verskyn. Sy word uiteindelik opgespoor op sosiale media-webwerwe waar haar vriende en familie oorval is met naakte prente van haar. Hierdie storie beklemtoon die verskeidenheid menslike interaksies wat die donker web toelaat, maar herinner ook die leser hoe deelname aan 'n oorleg netwerk soos die donker web selde in volle skeiding van die groter Internet is. Bartlett se hoofdoelstelling is 'n verkenning van die donker web en die implikasie daarvan vir die samelewing. Hy ondersoek verskillende subkulture, sommige met positiewe implikasies vir die samelewing en sommige met negatiewe.[81]

Bartlett het in Junie 2015 'n TEDTalk gegee om die onderwerp verder te ondersoek.[82] Sy praatjie, getiteld "Hoe die geheimsinnige donker web hoofstroom word", stel die idee agter die donker web bekend vir die gehoor, gevolg deur 'n deurloop van een van die webwerwe wat die Silk Road genoem word. Hy wys op die bekendheid van webbladontwerp soortgelyk aan verbruikerswebwerwe wat in die groter kommersiële web gebruik word. Bartlett bied dan voorbeelde van hoe funksioneering in 'n onsekere, hoërisiko-mark soos dié in die donker web eintlik die innovering aanmoedig wat hy glo, op alle markte in die toekoms toegepas kan word. Soos hy daarop dui dat verskaffers altyd dink aan nuwe maniere om te werk en hulself te beskerm, het die donker web meer gedesentraliseer, meer kliëntvriendelik, moeiliker om te sensor, en meer innoverend. Aangesien ons samelewings toenemend op soek is na meer maniere om privaatheid aanlyn te behou, is sulke veranderinge soos dié wat in die donker web voorkom, nie net innoverend nie, maar kan voordelig wees vir kommersiële aanlyn-webwerwe en -markte.

Ander media[wysig | wysig bron]

Tradisionele media en nuuskanale soos ABC News het ook artikels bevat wat die donker web ondersoek.[83] Vanity Fair tydskrif het in Oktober 2016 'n artikel gepubliseer met die titel "The Other Internet". Die artikel bespreek die opkoms van die donker web en noem dat die gevolge ernstig geword het in 'n wettelose digitale wildernis. Dit noem dat kwesbaarheid 'n swakheid in die netwerk se verdediging is. Ander onderwerpe sluit in die e-handel weergawes van konvensionele swart markte, kuberwapens van TheRealDeal, en die rol van operasionele sekuriteit.[84]

Verwysings[wysig | wysig bron]

  1. 1,0 1,1 1,2 1,3 Greenberg, Andy (19 November 2014). "Hacker Lexicon: What Is the dark web?" (in Engels). Wired. Geargiveer vanaf die oorspronklike op 12 April 2020. Besoek op 27 Augustus 2015.
  2. Egan, Matt (12 Januarie 2015). "What is the dark web? How to access the dark website – How to turn out the lights and access the dark web (and why you might want to)" (in Engels). Geargiveer vanaf die oorspronklike op 20 Augustus 2015. Besoek op 18 Junie 2015.
  3. 3,0 3,1 Solomon, Jane (6 Mei 2015). "The Deep Web vs. The dark web" (in Engels). Geargiveer vanaf die oorspronklike op 14 Augustus 2017. Besoek op 26 Mei 2015.
  4. 4,0 4,1 "Clearing Up Confusion – Deep Web vs. dark web". BrightPlanet (in Engels). Geargiveer vanaf die oorspronklike op 29 April 2019.
  5. 5,0 5,1 NPR Staff (25 Mei 2014). "Going Dark: The Internet Behind The Internet" (in Engels). Geargiveer vanaf die oorspronklike op 1 April 2020. Besoek op 29 Mei 2015.
  6. The dark web Revealed. Popular Science. pp. 20–21
  7. "Clearnet vs hidden services – why you should be careful". DeepDotWeb. Geargiveer vanaf die oorspronklike op 9 Junie 2019. Besoek op 4 Junie 2015.
  8. Chacos, Brad (12 Augustus 2013). "Meet Darknet, the hidden, anonymous underbelly of the searchable Web" (in Engels). Geargiveer vanaf die oorspronklike op 5 Maart 2020. Besoek op 16 Augustus 2015.
  9. Beckett, Andy (26 November 2009). "The dark side of the internet" (in Engels). Geargiveer vanaf die oorspronklike op 26 Februarie 2020. Besoek op 9 Augustus 2015.
  10. Deep Web (film)
  11. Daily Mail Reporter (11 Oktober 2013). "The disturbing world of the Deep Web, where contract killers and drug dealers ply their trade on the internet" (in Engels). Geargiveer vanaf die oorspronklike op 6 April 2020. Besoek op 25 Mei 2015.
  12. "NASA is indexing the 'Deep Web' to show mankind what Google won't". Fusion (in Engels). Geargiveer vanaf die oorspronklike op 23 Februarie 2017.
  13. "The Deep Web and Its Darknets – h+ Media". h+ Media (in Engels). 29 Junie 2015. Geargiveer vanaf die oorspronklike op 6 Julie 2015. Besoek op 18 November 2016.
  14. "The 21st Century DarkNet Market: Lessons from the Fall of Silk Road: Start Your Search!". eds.b.ebscohost.com. Geargiveer vanaf die oorspronklike op 5 Junie 2017. Besoek op 26 Oktober 2016.
  15. Crenshaw,, Adrian. "Darknets and hidden servers: Identifying the true ip/network identity of i2p service hosts, Black Hat (2011)". {{cite journal}}: Cite journal requires |journal= (hulp)AS1-onderhoud: ekstra leestekens (link)
  16. Moore, Daniel (2016). "Cryptopolitik and the Darknet". Survival (00396338). 58 (1): 7–38. 32p. doi:10.1080/00396338.2016.1142085.
  17. Darknet, Social Media, and Extremism: Addressing Indonesian Counterterrorism on the Internet Geargiveer 4 Junie 2017 op Wayback Machine
  18. "The Dark Net. Rolling Stone, 0035791X, 11/5/2015, Issue 1247". {{cite journal}}: Cite journal requires |journal= (hulp)
  19. 19,0 19,1 "A Marketer's Guide to the Dark Web: Start Your Search!". eds.b.ebscohost.com. Geargiveer vanaf die oorspronklike op 4 Junie 2017. Besoek op 27 Oktober 2016.
  20. 20,0 20,1 20,2 Mark, Ward (30 Desember 2014). "Tor's most visited hidden sites host child abuse images". BBC News (in Engels). Geargiveer vanaf die oorspronklike op 30 Desember 2019. Besoek op 28 Mei 2015.
  21. "Everything You Need to Know on Tor & the Deep Web". whoishostingthis (in Engels). Geargiveer vanaf die oorspronklike op 5 Februarie 2017. Besoek op 18 Junie 2015.
  22. Cox, Joseph (25 Februarie 2015). "What Firewall? China's Fledgling Deep Web Community" (in Engels). Geargiveer vanaf die oorspronklike op 21 Februarie 2016. Besoek op 19 Junie 2015.
  23. tweet_btn(), Iain Thomson in San Francisco 29 Julie 2017 at 09:32. "Dark web doesn't exist, says Tor's Dingledine. And folks use network for privacy, not crime". Geargiveer vanaf die oorspronklike op 31 Julie 2017. Besoek op 31 Julie 2017.
  24. Moore, Daniel (2016). "Cryptopolitik and the Darknet". Survival: Global Politics and Strategy. 58: 7–38. doi:10.1080/00396338.2016.1142085.
  25. Cox, Joseph (1 Februarie 2016). "Study Claims Dark Web Sites Are Most Commonly Used for Crime" (in Engels). Geargiveer vanaf die oorspronklike op 16 Desember 2016. Besoek op 20 Maart 2016.
  26. Reeve, Tom (30 September 2015). "Extortion on the cards". Geargiveer vanaf die oorspronklike op 10 Desember 2015. Besoek op 8 Desember 2015.
  27. Allison, Ian (11 Februarie 2015). "Bitcoin tumbler: The business of covering tracks in the world of cryptocurrency laundering" (in Engels). Geargiveer vanaf die oorspronklike op 18 November 2019. Besoek op 8 Desember 2015.
  28. "Helix Updates: Integrated Markets Can Now Helix Your BTC". 5 Augustus 2015. Geargiveer vanaf die oorspronklike op 9 Mei 2019. Besoek op 8 Desember 2015.
  29. Richet, Jean-Loup (Junie 2013). "Laundering Money Online: a review of cybercriminals methods". [cs.CY]. 
  30. Richet, Jean-Loup (2012). "How to Become a Black Hat Hacker? An Exploratory Study of Barriers to Entry Into Cybercrime". 17th AIM Symposium. Geargiveer vanaf die oorspronklike op 5 Januarie 2017.
  31. Hegadekatti, Kartik (29 Januarie 2017). "Regulating the Deep Web Through Controlled Blockchains and Cryptocurrency Networks". Geargiveer vanaf die oorspronklike op 4 Junie 2018. Besoek op 8 Januarie 2019.{{cite news}}: CS1 maint: bot: original URL status unknown (link)
  32. "Concepts of illicit drug quality among darknet market users: Purity, embodied experience, craft and chemical knowledge". International Journal of Drug Policy. 35.
  33. "Stay Clear of the Darknet". Tech Directions. 75.
  34. Burleigh, Nina (19 Februarie 2015). "The Rise and Fall of Silk Road, the dark web's Amazon". Geargiveer vanaf die oorspronklike op 25 Mei 2015. Besoek op 25 Mei 2015.
  35. Greenberg, Andy (17 April 2015). "New Dark-Web Market Is Selling Zero-Day Exploits to Hackers". Wired (in Engels). Geargiveer vanaf die oorspronklike op 10 Maart 2020. Besoek op 24 Mei 2015.
  36. 36,0 36,1 Holden, Alex (10 Februarie 2015). "Ukraine crisis: Combatants scouring dark web for advice on bridge bombing and anti-tank missiles" (in Engels). Geargiveer vanaf die oorspronklike op 30 Desember 2019. Besoek op 28 Mei 2015.
  37. 37,0 37,1 Rhumorbarbe, Damien; Staehli, Ludovic; Broséus, Julian; Rossy, Quentin; Esseiva, Pierre (2016). "Buying drugs on a Darknet market: A better deal? Studying the online illicit drug market through the analysis of digital, physical and chemical data" (Submitted manuscript). Forensic Science International. 267: 173–182. doi:10.1016/j.forsciint.2016.08.032. PMID 27611957.
  38. "Characterising dark net marketplace purchasers in a sample of regular psychostimulant users". International Journal of Drug Policy. 35.
  39. Holden, Alex (15 Januarie 2015). "A new breed of lone wolf hackers are roaming the deep web – and their prey is getting bigger" (in Engels). Geargiveer vanaf die oorspronklike op 30 Desember 2019. Besoek op 19 Junie 2015.
  40. "Hacking communities in the Deep Web" (in Engels). 15 Mei 2015. Geargiveer vanaf die oorspronklike op 28 April 2016. Besoek op 5 September 2017.
  41. Cox, Joseph (12 November 2015). "A dark web Hacker Is Hunting Potential Pedophiles to Extort Them for Money" (in Engels). Geargiveer vanaf die oorspronklike op 4 Maart 2016. Besoek op 12 November 2015.
  42. "The Dark Net: Policing the Internet's Underworld". World Policy Journal. 32.
  43. "Large-Scale Monitoring for Cyber Attacks by Using Cluster Information on Darknet Traffic Features". Procedia Computer Science. 53.
  44. "Inferring distributed reflection denial of service attacks from darknet". Computer Communications. 62.
  45. Cox, Joseph (14 Januarie 2016). "Dark Web Vendor Sentenced for Dealing Counterfeit Coupons" (in Engels). Geargiveer vanaf die oorspronklike op 20 Desember 2016. Besoek op 24 Januarie 2016.
  46. DeepDotWeb (28 Mei 2015). "Secrets to Unmasking Bitcoin Scams – 4 Eye Opening Case Studies". Geargiveer vanaf die oorspronklike op 16 November 2015. Besoek op 12 November 2015.
  47. Greenberg, Andy (18 November 2013). "Meet The 'Assassination Market' Creator Who's Crowdfunding Murder With Bitcoins". Forbes (in Engels). Geargiveer vanaf die oorspronklike op 6 Maart 2014. Besoek op 29 Augustus 2015.
  48. Cox1, Joseph (18 Mei 2016). "This Fake Hitman Site Is the Most Elaborate, Twisted Dark Web Scam Yet" (in Engels). Geargiveer vanaf die oorspronklike op 18 Januarie 2017. Besoek op 20 Junie 2016.
  49. Ormsby, Eileen (3 Augustus 2012). "Conversation with a hitman (or not)" (in Engels). Geargiveer vanaf die oorspronklike op 13 Oktober 2013. Besoek op 29 Augustus 2015.
  50. Nicole Hong, "Silk Road Founder Ross Ulbricht Sentenced to Life in Prison" Geargiveer 13 Junie 2017 op Wayback Machine, Wall Street Journal, Mei 29, 2015.
  51. Andy Greenberg, "Silk Road Creator Ross Ulbricht Sentenced to Life in Prison" Geargiveer 29 Mei 2015 op Wayback Machine, Wired, Mei 29, 2015.
  52. Ormsby, Eileen (29 Augustus 2015). "Waiting in the Red Room" (in Engels). Geargiveer vanaf die oorspronklike op 5 Maart 2020. Besoek op 29 Augustus 2015.
  53. Howell O'Neill, Patrick (28 Augustus 2015). "Dark Net site promised to livestream torture and execution of 7 ISIS jihadists". Geargiveer vanaf die oorspronklike op 11 September 2015. Besoek op 29 Augustus 2015.
  54. Stockley, Mark (1 Julie 2015). "Hundreds of Dark Web sites cloned and "booby trapped"" (in Engels). Geargiveer vanaf die oorspronklike op 30 Desember 2019. Besoek op 8 Desember 2015.
  55. Fox-Brewster, Thomas (18 November 2014). "Many Sites That Fell In Epic Onymous Tor Takedown 'Were Scams Or Legit'". Forbes (in Engels). Geargiveer vanaf die oorspronklike op 30 Desember 2019. Besoek op 19 Junie 2015.
  56. "Beware of Phishing Scams On Clearnet Sites! (darknetmarkets.org)". DeepDotWeb. 3 Julie 2015. Geargiveer vanaf die oorspronklike op 10 Junie 2019. Besoek op 8 Desember 2015.
  57. "Warning: More Onion Cloner Phishing Scams". 22 April 2015. Geargiveer vanaf die oorspronklike op 16 Junie 2019. Besoek op 8 Desember 2015.
  58. Bell, Chris (25 November 2013). "The internet mystery that has the world baffled" (in Engels). Geargiveer vanaf die oorspronklike op 21 Februarie 2014. Besoek op 8 Desember 2015.
  59. Willacy, Mark (26 Augustus 2015). "Secret 'dark net' operation saves scores of children from abuse; ringleader Shannon McCoole behind bars after police take over child porn site" (in Engels). Geargiveer vanaf die oorspronklike op 30 Desember 2019. Besoek op 26 Augustus 2015.
  60. Conditt, Jessica (8 Januarie 2016). "FBI hacked the Dark Web to bust 1,500 pedophiles" (in Engels). Geargiveer vanaf die oorspronklike op 22 Maart 2020. Besoek op 8 Januarie 2016.
  61. Cox, Joseph (5 Januarie 2016). "The FBI's 'Unprecedented' Hacking Campaign Targeted Over a Thousand Computers" (in Engels). Geargiveer vanaf die oorspronklike op 13 Maart 2016. Besoek op 8 Januarie 2016.
  62. Farivar, Cyrus (16 Junie 2015). "Feds bust through huge Tor-hidden child porn site using questionable malware" (in Engels). Geargiveer vanaf die oorspronklike op 24 Maart 2020. Besoek op 8 Augustus 2015.
  63. Evans, Robert (16 Junie 2015). "5 Things I Learned Infiltrating Deep Web Child Molesters" (in Engels). Geargiveer vanaf die oorspronklike op 30 Desember 2019. Besoek op 29 Augustus 2015.
  64. Cox, Joseph (11 November 2014). "As the FBI Cleans the Dark Net, Sites Far More Evil Than Silk Road Live On" (in Engels). Geargiveer vanaf die oorspronklike op 16 Desember 2016. Besoek op 3 Augustus 2015.
  65. Markowitz, Eric (10 Julie 2014). "The Dark Net: A Safe Haven for Revenge Porn?" (in Engels). Geargiveer vanaf die oorspronklike op 26 November 2015. Besoek op 3 Augustus 2015.
  66. Cub, Nik (17 November 2014). "FBI seizes fake Tor hosted Jihad funding website as part of Operation Onymous, leaves up real site" (in Engels). Geargiveer vanaf die oorspronklike op 22 Desember 2016. Besoek op 25 November 2015.
  67. Cuthbertson, Anthony (25 November 2015). "Hackers replace dark web Isis propaganda site with advert for Prozac" (in Engels). Geargiveer vanaf die oorspronklike op 30 Desember 2019. Besoek op 25 November 2015.
  68. "Jihadist cell in Europe 'sought recruits for Iraq and Syria'". BBC News (in Engels). 12 November 2015. Geargiveer vanaf die oorspronklike op 1 April 2020.
  69. Lev Grossman (11 November 2013). "The Secret Web: Where Drugs, Porn and Murder Live Online". TIME.com (in Engels). Geargiveer vanaf die oorspronklike op 28 Februarie 2014.
  70. Swearingen, Jake (2 Oktober 2014). "A Year After Death of Silk Road, Darknet Markets Are Booming" (in Engels). Geargiveer vanaf die oorspronklike op 30 Desember 2019. Besoek op 24 Mei 2015.
  71. Franceschi-Bicchierai, Lorenzo (13 Mei 2015). "Hackers Tried To Hold a Darknet Market For a Bitcoin Ransom" (in Engels). Geargiveer vanaf die oorspronklike op 16 Desember 2016. Besoek op 19 Mei 2015.
  72. Solon, Olivia (3 Februarie 2013). "Police crack down on Silk Road following first drug dealer conviction" (in Engels). Geargiveer vanaf die oorspronklike op 19 Februarie 2020. Besoek op 27 Mei 2015.
  73. Koebler, Jason (23 Februarie 2015). "The Closest Thing to a Map of the Dark Net: Pastebin" (in Engels). Geargiveer vanaf die oorspronklike op 22 Desember 2016. Besoek op 14 Julie 2015.
  74. Simonite, Tom (18 Maart 2016). "The Surprising Light Side of the Dark Web". Besoek op 20 Maart 2016.
  75. Ricard (2 Augustus 2015). "Interpol dark web Training Course". Geargiveer vanaf die oorspronklike op 8 Augustus 2015. Besoek op 8 Augustus 2015.
  76. Rose, David (13 Oktober 2013). "Secrets of the UK's new FBI: Police chief reveals elite force of 5,000 'super' agents will wage a high-tech manhunt for Britain's most wanted criminals" (in Engels). Geargiveer vanaf die oorspronklike op 15 Maart 2020. Besoek op 9 November 2015.
  77. Box, Joseph (8 November 2015). "The UK Will Police the dark web with a New Task Force" (in Engels). Geargiveer vanaf die oorspronklike op 16 Desember 2016. Besoek op 9 November 2015.
  78. Finklea, Kristin (10 Maart 2017). "Dark Web" (PDF). Geargiveer (PDF) vanaf die oorspronklike op 13 April 2018.
  79. Johnson, Tim (2 Augustus 2017). "Shocked by gruesome crime, cyber execs help FBI on dark web". Idaho Statesman.
  80. Burrell, Ian (28 Augustus 2014). "The Dark Net:Inside the Digital Underworld by Jamie Bartlett, book review". Independent (in Engels). Geargiveer vanaf die oorspronklike op 3 Maart 2020.
  81. "The Growth of Dark Subcultures On the Internet, The Leonard Lopate Show". WNYC (in Engels). 2 Junie 2015. Geargiveer vanaf die oorspronklike op 30 Desember 2019.
  82. Bartlett, Jamie (Junie 2015). "How the mysterious dark net is going mainstream". ted.com (in Engels). Geargiveer vanaf die oorspronklike op 20 Oktober 2016.
  83. Viney, Steven (27 Januarie 2016). "Print Email Facebook Twitter More What is the dark net, and how will it shape the future of the digital age?". ABC (in Engels). Geargiveer vanaf die oorspronklike op 14 Mei 2019.
  84. "The Other Internet". Vanity Fair. 58.
Hierdie artikel is in sy geheel of gedeeltelik vanuit die Engelse Wikipedia vertaal.