Dooie duikers deel nie

Dooie duikers deel nie is 'n 92 minuut lange Afrikaanse liefdesdrama wat in 1978 vrygestel is.^[1] Die film is deur Franz Marx geregisseer met 'n draaiboek gebaseer op die radioverhaal, Dit was aand en dit was môre deur Jac J. Brits, soos verwerk deur Franz Marx. Die film is vervaardig deur Brigadier Filmproduksies (Albie Venter) en versprei deur Flip Bezuidenhout Produksies/Nu Metro.^[1]

Sinopsis

In 'n klein Karoodorpie woon tant Sofia (Anna Neethling-Pohl), 'n verfynde, maar tog hardkoppige vrou met 'n aansteeklike humorsin. Sy het haar kleinseun, Petrus Verwey (Franz Marx), alleen grootgemaak nadat sy ouers in 'n motorongeluk oorlede is. Petrus boer op sy ouers se plaas, Koppieskraal, en is verlief op Maggie Aucamp (Magda Beukes), 'n jong onderwyseres. Maggie verlang egter nog na haar gewese kêrel, dr. Gerrit van Wyk (Heinrich Marnitz), maar Petrus is geduldig en bereid om vir haar te wag. Wanneer Maggie uiteindelik instem om met Petrus uit te gaan, verbied tant Sofia die verhouding, omdat sy glo Maggie nie goed genoeg vir haar kleinseun is nie. Sy nooi dan Sally Vermaak (Lerina Erasmus) om te kom kuier. Sake word verder gekompliseer wanneer Gerrit van Wyk ook opdaag.^[1]

Rolverdeling

Die rolverdeling is Anna Neethling-Pohl (as Sofia), Franz Marx (as Petrus Verwey), Magda Beukes (as Maggie Aucamp), Heinrich Marnitz (as Gerrit van Wyk), Lerina Erasmus (as Sally Vermaak), Olga Heunis en Anton Heunis.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]