Dorothea Möller-Malan
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Dorothea Catherina Stoffelina Möller (Winburg, Oranje-Vrystaat, 28 Julie 1898 – onbekend) was ’n sendingwerker en skrywer.
Dorothea Möller het haar opleiding as sendingwerkster aan die Hugenote-seminarie op Wellington ontvang en in die huwelik getree met die onderwyser W.D. Malan. Saam met hulle toegewyde sendingwerk in Kenia, Natal en Noord-Transvaal gedoen. Vanaf 1938 het sy ’n groot aantal artikels en sketse vir tydskrifte geskryf. Haar eerste roman, Hes, het in 1945 verskyn. Die opvolg, Hes se oorwinning, het sy opgedra aan die jong Afrikanerdogter wat haar brood in die sweet van haar aanskyn moes verdien. Möller-Malan het haar as skrywer daarop toegelê om die lewe soos sy dit ken, getrou weer te gee. Mettertyd het uit haar pen ’n reeks publikasies verskyn, veral avontuurverhale, uit die Tweede Vryheidsoorlog, met die plaaslewe as agtergrond.
Bron[wysig | wysig bron]
- (af) Swart, M.J. (voorsitter redaksiekomitee). 1980. Afrikaanse kultuuralmanak. Aucklandpark: Federasie van Afrikaanse Kultuurvereniginge. ISBN 0-620-04543-4