Douglas Boyd

Douglas Boyd (gebore in 1959 in Glasgow, Skotland) is 'n Britse hobospeler en dirigent. Hy het as 'n leerling van Janet Craxton die hobo by die Koninklike Akademie van Musiek in Londen studeer, en was later 'n student van Maurice Bourgue in Parys. In 1984 het hy die Jong Kunstenaars Internasionale Oudisies gewen, welke tot sy New Yorkse buiging by Carnegie Hall gelei het.

Boyd was een van die stigterslede van die Kamerorkes van Europa (KOE), en het van 1981 tot 2002 as die orkes se prinsipiële hobospeler gedien. Gedurende sy tyd saam met die KOE het hy 'n belangstelling in dirigeer ontwikkel. Onder sy eerste mentors in die verband tel Claudio Abbado en Nikolaus Harnoncourt. Hy het ook leiding ontvang van Paavo Berglund en Colin Davis. In 2006 het Boyd sy uitvoerings-loopbaan op die hobo gestaak ten einde voltyds op sy dirigeerloopbaan te kan fokus.

In 2001 het Boyd musiekdirekteur van die Manchester Camerata geword, welke sy eerste ernstige dirigeer-pos was. Hy het verskeie opnames saam met die Manchester Camerata vir die Avie plate-etiket gedirigeer, insluitende musiek van Beethoven, Mozart en Mahler. Boyd het sy tyd by die Manchaster Camerata afgesluit na die 2010–2011 seisoen. Boyd het ook as hoofdirigent van die Stad van Londen Sinfonia gedien. In November 2012 was Boyd met onmiddellike effek as artistieke direkteur van die Garsington Opera aangewys.

Buite die Verenigde Koninkryk het die Orchester Musikkollegium Winterthur in April 2008 die aanstelling van Boyd as die orkes se hoofdirigent aangekondig, met ingang van die 2009–2010 seisoen. Boyd het sedertdien sy Winterthur kontrak verleng tot die 2015–2016 seisoen, en sy ampstermyn na die 2015-2016 seisoen afgesluit. Boyd het die Winterthur orkes in kommersiële opnames gedirigeer in die musiek van Wolfgang Amadeus Mozart, Felix Mendelssohn en Josef Rheinberger. Op 1 Julie 2015 het Boyd die nuwe musiekdirekteur van die Orchestre de chambre de Paris geword.

In die VSA was Boyd se eerste verskyning as dirigent saam met die Gardner Kamerorkes in 2000 gewees. In 2002 het Boyd saam met Paula Robison mede-artistieke direkteur van die orkes geword. In 2004 het hy een van die eerste Artistieke Vennote van Saint Paul Kamerorkes (SPKO) geword. In 2006 het hy sy kontrak met die SPKO tot en met die 2009–2010 seisoen verleng. Hy het sy ampstermyn as Artistieke vennoot by die SPKO in September 2009 afgesluit. Hy het die eerste keer in Desember 2006 die Colorado Simfonieorkes gedirigeer, en was in Januarie 2008 as die orkes se prinsipiële gasdirigent aangewys, met 'n kontrak van drie jaar, met twee weke se verskynings as gas-dirigent per seisoen.

Boyd en sy vrou Sally Pendlebury, 'n tjellis, het drie kinders, Iona, Sebastian en Sam. Die gesin woon in Londen.

Eksterne skakels

• Webwerf van Douglas Boyd
• Frank Salomon agentskap, biografie
• Ingpen & Williams agentskap biografie van Douglas Boyd op Wayback Machine

Kulturele poste
Voorafgegaan deur Sachio Fujioka	Musiekdirekteur, Manchester Camerata 2001–2011	Opgevolg deur Gábor Takács-Nagy
Voorafgegaan deur Jac van Steen	Hoofdirigent, Orchester Musikkollegium Winterthur 2009–2016	Opgevolg deur Thomas Zehetmair
Voorafgegaan deur Anthony Whitworth-Jones	Artistieke Direkteur, Garsington Opera 2012–tans	Opgevolg deur bekleër
Voorafgegaan deur John Nelson	Musiekdirekteur, Orchestre de chambre de Paris 2015–tans	Opgevolg deur bekleër