Draaibank

in Wikipedia, die vrye ensiklopedie
Spring na: navigasie, soek
'n Hwacheon-draaibank vir metaal, maar ander materiale kan ook hierop gedraai word

'n Draaibank is 'n masjien wat 'n werkstuk om 'n as roteer vir die doel om verskeie bedrywighede soos sny, skuur, karteling, boor of algemene vervorming op die werkstuk toe te pas, om so 'n voorwerp te vervaardig wat simmetries om die sentrale draai as is. Anders as meeste ander masjineringsprosesse word die gereedskap nie aangedryf nie maar eerder die werkstuk. Draaiwerk is die aksie of vaardigheid vir die gebruik van 'n draaibank.

Draaibanke word vir die masjinering van metaal, plastiek, glas en hout gebruik.

Algemene Komponente[wysig | wysig bron]

As[wysig | wysig bron]

'n Horlosiemaker gebruik 'n klein draaibank. Let op die gebruik van katrolle in plaas van 'n ratkas vir spoed beheer

In meeste gevalle kom die as uit die ratkas uit, wat gewoonlik deur 'n elektriese motor aangedryf word. Maar daar is wel draaibanke wat nie van 'n ratkas gebruik maak nie maar eerder van bande en katrolle.

Kloukop[wysig | wysig bron]

'n Self gesentreerde kloukop en sleutel

Op 'n draaibank kom die kloukop vas aan die as. Daar is verskillende tipes kloukoppe, elk vir 'n sekere doel. Die kloukop hou die werkstuk vas sodat dit saam met die as roteer.

Loskop[wysig | wysig bron]

Die loskop is aan die teenoorgestelde kant van die kloukop geleë. Die loskop is op dieselfde denkbeeldige as van rotasie. Dit kan links en regs geskuif word na gelang. Die loskop het verskeie take waarvan die mees algemene is om langer werkstukke stabiel te hou tydens rotasie met 'n senterstuk. Die loskop kan gebruik word om 'n boorpunt in te monteer om gate in die werkstuk te boor.

Beitelhouer[wysig | wysig bron]

Die beitelhouer word gebruik om die gereedskap waarmee die werkstuk bewerk word vas te hou. Die beitelhouer maak op 'n drabalk vas wat links en regs, & vorentoe en agtertoe kan beweeg

Eksterne skakels[wysig | wysig bron]