Drie Skatte

in Wikipedia, die vrye ensiklopedie
Jump to navigation Jump to search

Die Drie Skatte of Drie Juwele (Chinees: 三寶, sanbao) is basiese deugde in Taoïsme. Hoewel die Daodejing die term sanbao oorspronklik gebruik het vir meegevoel, matigheid en nederigheid, is dit later gebruik om die Drie Juwele (Boeddha, dharma en sangha) in Chinese Boeddhisme te vertaal, asook vir die Drie Skatte in tradisionele Chinese geneeskunde: jing, qi en shen.

Die skatte[wysig | wysig bron]

Die eerste van die Drie Skatte is ci (慈): "meegevoel, sagtheid, liefde, genade, goedhartigheid". Dit is ook ’n klassieke Chinese term vir "moeder". Sommige beskou dit as die belangrikste van die Drie Skatte.

Die tweede is jian (儉): "matigheid, selfbeheersing, spaarsaamheid".

Die derde is ’n frase met ses karakters in plaas van ’n enkele woord, Bugan wei tianxia xian (不敢為天下先): letterlik "nie waag om op te tree soos die eerste onder die hemel nie", maar gewoonlik vertaal as "nederigheid".

Eksterne skakels[wysig | wysig bron]