Driekolkurper

Driekolkurper
Bewaringstatus
	; Kwesbaar (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata; (Cuvier, 1812)
Infrafilum:	Gnathostomata
Superklas:	Osteichthyes; (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Cichlidae
Subfamilie:	Pseudocrenilabrinae
Genus:	Oreochromis; (Günther, 1889)
Spesie:	O. andersonii
Binomiale naam
	Oreochromis andersonii; (Castelnau, 1861)
Sinonieme
	Chromys andersoni (Castelnau, 1861); Chromys andersonii (Castelnau, 1861); Oreochromis anderson (Castelnau, 1961); Oreochromis andersoni (Castelnau, 1861); Oreochromis andersonni (Castelnau, 1861); Oreochromis anulerson (Castelnau, 1861); Sarotherodon andersoni (Castelnau, 1861); Sarotherodon andersonii (Castelnau, 1861); Tilapia andersoni (Castelnau, 1861); Tilapia andersonii (Castelnau, 1861);

Die Driekolkurper (Oreochromis andersonii) is 'n varswatervis wat in die boonste gedeelte van die Zambezirivier, die Kunenerivier, die Okavangorivier en Kafuerivier voorkom. In Engels staan die vis bekend as die Threespot tilapia.

Voorkoms[wysig | wysig bron]

Die onvolwasse vis is silwerig met 8-9 onreëlmatige dun strepe op die lyf en daar is 3-4 kolle in die middel van die lyf. Die volwasse visse is blougrys en die skubbe se rante is lig wat die vis 'n blokkiesvoorkoms gee. Die vinne is ook blougrys en daar is kolletjies op die sagte deel van die dorsale- en analevinne. Die rante van die dorsale- en analevinne is helderrooi.

Broeiende mannetjies is blouswart met 'n silwerige blokkiesvorm en 'n rooi skynsel op die bokant van die kop. Die buiterante van die dorsale- en stertvin is helderrooi.

Die vis word tot 50 cm lank en kan tot 3.2 kg weeg. Die Suid-Afrikaanse hengelrekord is 1.97 kg en die Zimbabwe-rekord is 3.09 kg.

Habitat[wysig | wysig bron]

Die vis is gehard en leef in vars en brakwater maar verkies stadigvloeiende water of staande water soos in poele en vloedvlaktes. Die volwasse visse leef in dieper water terwyl die onvolwasse visse langs die oewers bly tussen die plantegroei. Hulle vreet detritus, diatome en soöplankton. Die mannetjies maak 'n groot pieringvormige nes en die wyfie mondbroei die eiers en larwes. Die vis kan meer as een keer broei gedurende die warm maande. Die vis word ook gebruik in akwakultuur.