Dubbele boeglynknoop

Die dubbele boeglynknoop is 'n knoop soortgelyk aan die dubbele waterboeglynknoop, maar eenvoudiger om te knoop.

Eienskappe

Dit is 'n baie sterk, veilige knoop, wat nie maklik losgaan wanneer dit gebruik word nie, maar het die voordeel dat dit maklik na gebruik losgemaak kan word. Hierdie knoop is ook baie vinnig en maklik om te knoop en die lus verskuif nie onder las nie.

Gebruike

Die knoop is gewild onder bergklimmers, omrede dit 'n sterk en baie veilige koop is. Alhoewel die syfer 8-knoop effens sterker is, verkies meeste bergklimmers hierdie knoop, of die soortgelyke dubbele waterboeglynknoop.

Aangesien hierdie knoop se lus nie onder las skuif nie, en vinnig en maklik geknoop kan word, is dit 'n bruikbare knoop vir reddingswerk. Voorbeelde hiervan is vir 'n tou rondom 'n persoon se lyf (onder die arms) wanneer hy opgehys moet word, of nadat iemand oorboord geval het.

Dit is ook 'n baie handige knoop vir alledaagse gebruik.

Metode van knoop

A. Maak twee lusse in die tou.

B. Ryg die kort punt van die tou deur die twee lusse.

C. Trek die kort punt agter om die lang kant van die tou, en ryg dan die punt weer deur die twee lusse.

D. Trek die lang kant van die tou en die lus om die knoop styf te trek.

Let wel: Maak seker dat die lus die verlangde grootte is voor dit styfgetrek word, aangesien die lus nie verstel kan word sonder om die knoop los te maak nie

Foto's wat demonstreer hoe om die dubbele boeglynknoop te knoop.