Duduzatornado

in Wikipedia, die vrye ensiklopedie

Die Duduzatornado het op Sondagaand, 2 Oktober 2011, omstreeks 21:30 in die gelyknamige informele nedersetting losgebars, op dieselfde dag as die Ficksburgtornado.

'n Agtjarige seun is dood en 166 mense beseer toe die tornado by Duduza buitekant Nigel, 55 km suidoos van Johannesburg, losgebars het. 166 mense is vervoer en behandel by hospitale soos Pholosong in Tsakane en die Verre Oos-Rand-hospitaal in Springs. Die werwelstorm het groot skade aangerig in Masechaba Uitbreiding 2, en het meer as 150 wonings vernietig. Kragtoevoer was afgesny en die R550-roete was gesluit weens ontwortelde bome. [1][2]

Verwysings[wysig | wysig bron]