Duiwelsklou

in Wikipedia, die vrye ensiklopedie
Jump to navigation Jump to search

Duiwelsklou
Harpagophytum 5.jpg
Wetenskaplike klassifikasie
Koninkryk:
(klade):
(klade):
(klade):
Orde:
Familie:
Genus:
Harpagophytum

Spesies
  • Harpagophytum procumbens (Burch.) DC. ex Meisn.
  • Harpagophytum zeyheri Decne.

Duiwelsklou (Harpagophytum) is 'n genus van plante in die sesamfamilie (Pedaliaceae). Die plant is inheems aan Suider-Afrika en het sy naam aan die haakvormige voorkoms van sy vrugte te danke. Dit is 'n meerjarige plant met kruipende stingels wat uit 'n taai wortelstok groei. Die gesteelde blare is ovaal en die blomme is pienkpers en buisvormig. Ander name vir die plant sluit in: bobbejaandoring, bobbejaanklou, duiwelsdoring, duiwelshaak, duiwelshaakdoring, duiwelskloubossie, duiwelsklourank, duiwelsnaels, kloudoring, duiwelsduwweltjie, krappe, leeudoring, sanddoring, skerpioendubbeltjie en skerpioenduwweltjie.[1]

Daar is twee spesies:

Chemiese formule vir harpagosied, wat in die knolle voorkom.

Die plant het groot, knolagtige penwortels waaruit sekondêre of bergknolle groei. Hierdie knolle bevat harpagosied wat verskeie medisinale gebruike het. Dit word onder meer gebruik om pyn en koors te verlig, en om spysvertering te stimuleer. Ander gebruike sluit in: vir hipertensie, artritis, as aptytwekker, salf vir sere en pitswere, asook verligting van pyn tydens swangerskap.[2]

Houtagtige vrug met sy kenmerkende opwaartsgekrulde stekels.

Duiwelsklou word hoofsaaklik van saad gekweek, maar vegetatiewe voortplanting is ook moontlik. Die saad lyk soos 'n klou vol dorings. As die saad om 'n dier se bek vasgryp, kom dit nie maklik los nie en kan die dier vrek.

Die plant is saam met aalwyne en boegoe die enigste drie inheemse Suid-Afrikaanse plante wat in die amptelike internasionale lys van medisinale plante opgeneem is. Dit word veral in Namibië en Botswana vir die uitvoermark verbou.[3] In Suid-Afrika word 'n permit benodig om die plant op groot skaal te oes. Die mag egter nie van November tot Februarie geoes word nie, omdat die plant dan blom en sade vorm.[4]

Illustrasie uit "Icones selectae plantarum", vol. 5: t. 94 (1846).

Sien ook[wysig | wysig bron]

Verwysings[wysig | wysig bron]

  1. Woordeboek van die Afrikaanse Taal
  2. Kan duiwelsdoring tog rumatiek genees?, Volksblad, 8 Februarie 2003
  3. Woestynplant getem tot plaasgewas, Landbouweekblad, 18 Junie 1999
  4. Permit nodig vir duiwelsklou-oes, Volksblad, 15 Desember 2003

Eksterne skakels[wysig | wysig bron]