Duiwelsmuseum

in Wikipedia, die vrye ensiklopedie
Jump to navigation Jump to search
Hitler en Stalin as dansende duiwels

Die Duiwelsmuseum (Litaus Velnių muziejus, amptelik Žmuidzinavičius-museum) is 'n museum in Kaunas, Litaue wat hom op die versameling en tentoonstelling van duiwelskulpture en -houtsnykuns van dwarsoor die wêreld toespits. Die museum besit tans 'n versameling van ongeveer 3 000 objekte.

Die versameling is oorspronklik deur die Litause skilder Antanas Žmuidzinavičius (1876–1966) saamgestel. Ná sy afsterwe is 'n gedenkmuseum in sy huis geopen wat destyds net 260 skulpture vertoon het. Die versameling het egter danksy skenkings, wat deur besoekers gemaak is, gegroei sodat in 1982 'n nuwe vleuel met drie verdiepings by die huis aangebou is.

Die duiwels, wat vertoon word, kom uit 'n groot verskeidenheid etniese kulture - sommige is suiwer kunswerke, terwyl ander as gebruiksvoorwerpe ontwerp is. Van die duiwels versinnebeeld ou volksmites, ander gee uitdrukking aan moderne politieke gedagtes. So beeld een van die kunswerke Adolf Hitler en Josef Stalin as dansende duiwels op 'n dansvloer vol menslike skedels uit.

Sien ook[wysig | wysig bron]

Eksterne skakels[wysig | wysig bron]