Duvha-kragstasie

in Wikipedia, die vrye ensiklopedie
Jump to navigation Jump to search
Duvha vanaf die buitewyke van Witbank gesien.

Die Duvha-kragstasie in Mpumalanga, Suid-Afrika, is 'n steenkoolkragsentrale wat deur Eskom bedryf word. Die 300 meter-hoë skoorstene by Duvha is die tweede en derde hoogste strukture in Afrika, slegs 'n skoorsteen in die Secunda CTL-aanleg is hoër.

Geskiedenis[wysig | wysig bron]

Bouwerk aan die Duvha-kragstasie het in November 1975 begin en die laaste eenheid is in 1984 in werking gestel.

In 1993 word Duvha die eerste kragstasie in die wêreld wat toegerus is met polsstraalfilteraanlegte op drie van sy ses eenhede. Hierdie aanlegte dra grootliks by tot die vermindering van lugbesoedeling deur 99,99% van die vliegas te verwyder, wat andersins deur die stasie se skoorstene in die lug vrygestel sou word.

Op 8 Januarie 2003 het die eenheid 2-kragopwekker ontplof terwyl hy na 'n wanfunksie weer in gebruik gestel is.[1] Op 9 Februarie 2011 het 'n ander eenheid katastrofies gefaal tydens 'n spoedtoetsing.[2][3] Die eenhede het 'n topsnelheid van 3600 r/min en die laaste waargenome snelheid voor die mislukking was 4250 r/min.

Dit was die eerste kragstasie in Suid-Afrika wat 'n swart kragstasiebestuurder, Ehud Matya, gehad het.

Kragopwekking[wysig | wysig bron]

Die stasie bestaan uit ses 600 MW eenhede met 'n totale geïnstalleerde kapasiteit van 3600 MW wat werk teen 'n turbine maksimum deurlopende waardering van 37,6%.

Die stasie is 'n tweelingsuster van die Tutuka-kragstasie.

Bewerings van korrupsie[wysig | wysig bron]

In April 2017 het die Amerikaanse maatskappy, General Electric, Eskom daarvan beskuldig dat hulle 'n tender by die Duvha-kragstasie gemanipuleer het om na die Chinese staatsbeheerde maatskappy Dongfang te gaan, al was hul bod R1 miljard hoër as dié van sy mededingers. Die besluit is geneem agt dae nadat die polities verbonde adviesfirma Trillian die voorlegging van Dongfang aanbeveel het. Die meerderheidsaandeelhouer van Trillian, Salim Essa, is 'n hegte vennoot van die Guptafamilie, wat 'n gesellige verhouding met voormalige president Jacob Zuma gehad het.[4]

Verwysings[wysig | wysig bron]

  1. "Generator Accident in Africa". Mass Engineers (in Engels). Geargiveer vanaf die oorspronklike op 24 Oktober 2019. Besoek op 31 Julie 2020.
  2. "Media Statement" (in Engels). Eskom. Geargiveer vanaf die oorspronklike op 19 Maart 2012. Besoek op 31 Julie 2020.
  3. Eybers, Johan. "Eskom makes R3bn boo-boo". News24 (in Engels). City Press. Geargiveer vanaf die oorspronklike op 18 Mei 2011. Besoek op 31 Julie 2020.
  4. Hofstatter, Stephan; Paton, Carol (26 April 2017). "GE claims Eskom favoured Chinese firm's bid, with backing of Trillian". BusinessLIVE (in Engels). Geargiveer vanaf die oorspronklike op 29 Mei 2017. Besoek op 31 Julie 2020.

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.