Dún Laoghaire
Dún Laoghaire Kingstown (1821-1921) | |
|---|---|
Dorp | |
 | |
  Dún Laoghaire | |
| Koördinate: 53°17′34″N 6°8′28″W / 53.29278°N 6.14111°W | |
| Land |  Ierland |
| Provinsie | Leinster |
| Graafskap | Dún Laoghaire-Rathdown |
| Hoogte | 24 m (79 ft) |
| Bevolking | |
| • Totaal | 38 761 |
| Tydsone | UTC+00:00 (MGT) |
| • Somertyd | UTC+01:00 (IST) |
| Webwerf | dunlaoghaire.ie |
Dún Laoghaire [d̪ˠuːn̪ˠ ˈɫeːrʲə] is 'n groot kusdorp en hawestad aan die ooskus van die Republiek Ierland, sowat sewe myl (12 km) suid van die hoofstad Dublin, waarna tradisioneel as die "Poort na Ierland" verwys word. Die dorp, wat deur 'n golwende heuwellandskap omring word, het intussen ook 'n gewilde bestemming vir plesierbote geword.
Dún Laoghaire het vanaf 1821 ter ere van koning George IV van die Verenigde Koninkryk, wat in dié jaar 'n besoek aan die kusdorp gebring het, die Engelse naam Kingstown gedra. In 1921 is die Ierse naam herstel wat afgelei is van dún ("fort" of "vesting") en die naam van 'n 5de eeuse Hoë Koning van Ierland voor die aankoms van Wiking-setlaars in Dublin, Laoghaire Mac Néill (Lóegaire mac Néill volgens die historiese spelwyse).
Nasionale Seevaartmuseum[wysig | wysig bron]
.jpg)
Ierland se Nasionale Seevaartmuseum (National Maritime Museum) is in die historiese Old Mariners-kerk gevestig, een van min sakrale geboue ter wêreld wat vir seelui opgerig is en tot vandag toe bewaar gebly het. Die museum huisves 'n uitgebreide versameling oor alle aspekte van seevaart, insluitende 'n groot anker in die binnehof en klein modelle van skepe wat deur vuurtoringwagters vervaardig is om die lang eensame ure te vul wat hulle langs Ierland se kus deurgebring het.
Verder is daar meganiese versamelings, 'n kunsgalery met werke wat aan die see gewy is, 'n herboude radiokamer van 'n skip, 'n uitstalling oor die RMS Titanic en versamelings oor die fauna en flora van Ierland se kusgebiede.
