Edgar Allen Poe (rolprent)
_as_Edgar_Allan_Poe_in_1909_Biograph_film.jpg)
| Naam van werk | Edgar Allan Poe |
|---|---|
| Genre | drama film, stilrolprent |
| Publikasiedatum | 1909 |
| Land van oorsprong | Verenigde State |
| Oorspronklike taal | geen waarde |
| Regisseur | D.W. Griffith |
| Draaiboekskrywer | D.W. Griffith, Frank E. Woods |
| Direkteur van fotografie | Billy Bitzer |
| Produksiehuis | Biograph Company |
| Aspek verhouding | 4:3 |
| Kleur | swart-en-wit |
| Kopiereg status | publieke domein |
Edgar Allen Poe (sic) is 'n Amerikaanse stildramarolprent uit 1909, vervaardig deur die Biograph Company van New York en geregisseer en medegeskryf deur D.W. Griffith.[1] [2][3]
Herbert Yost speel in hierdie kortfilm die 19de-eeuse Amerikaanse skrywer en digter Edgar Allan Poe, terwyl Linda Arvidson Poe se vrou Virginia uitbeeld.[4] Toe dit in Februarie 1909 vrygestel is en dwarsdeur sy teaterloop, is die film konsekwent geïdentifiseer en geadverteer met Poe se middelnaam verkeerd gespel in sy amptelike titel, met 'n "e" in plaas van die korrekte tweede "a". Die kortfilm is ook oorspronklik na teaters gestuur op 'n "gesplete spoel", wat 'n enkele spoel was wat meer as een film gehuisves het. Hierdie 450-voet drama het sy spoel gedeel met 'n ander Biograph-kortfilm, die 558-voet komedie A Wreath in Time.[5] Afdrukke van beide films behoue gebly.[6]
Storielyn
[wysig | wysig bron]Die rolprent fokus op Edgar Allan Poe en sy vrou Virginia Clemm, wat bedlêend en ernstig siek is. Terwyl Poe haar troos, verskyn 'n raaf skielik op 'n borsbeeld van Pallas wat op 'n hoë rak in haar kamer uitgestal word. Geïnspireer deur die gesig, skryf Poe "The Raven", sy grootste poëtiese werk. Hy vertrek dan in die hoop om die gedig aan 'n plaaslike koerant of boekuitgewer te verkoop sodat hy broodnodige kos en medisyne vir Virginia kan koop. By 'n koerantkantoor verwerp die eerste potensiële koper die skepping. Desperaat vir geld, jaag Poe na 'n ander uitgewer se kantoor, waar 'n man en 'n vrou besig is met redigering. Aanvanklik verwerp een redakteur Poe se gedig, maar die ander een lees die werk, hou daarvan en betaal hom daarvoor. Poe gebruik dan die geld om 'n mandjie kos en ander items vir sy vrou te koop. Virginia lê nog in die bed toe hy terugkeer huis toe, waar hy trots 'n nuwe kombers oopvou wat hy ook gekoop het, maar terwyl hy die kombers op haar plaas, besef hy dat sy gesterf het terwyl hy weg was. Poe is verpletter deur haar verlies, en die film eindig met hom wat oor haar liggaam huil.
Hoofrolspelers
[wysig | wysig bron]- Herbert Yost as Edgar Allan Poe
- Linda Arvidson as Virginia Poe
- Arthur V. Johnson
- Charles Perley
- David Miles
- Anita Hendrie
Verwysings
[wysig | wysig bron]- ↑ "Edgar Allen Poe (1909)". American Film Institute.
- ↑ Edgar Allan Poe
- ↑ Kevin J. Hayes, University Kevin J Hayes. The Cambridge Companion to Edgar Allan Poe
- ↑ Graham, Cooper C.; Higgins, Steve; Mancini, Elaine; Viera, João Luiz. Entry for "Edgar Allen Poe", D. W. Griffith and the Biograph Company. Metuchen, New Jersey and London: The Scarecrow Press, 1985, bl. 37. I.A. Besoek 11 April 2021.
- ↑ "Edgar Allen Poe" and "A Wreath in Time, Biograph advertisement, The Moving Picture World (New York), 6 Februarie 1909, bl. 135. Internet Archive, San Francisco, California (hereinafter cited "I.A."). Besoekd 28 Maart 2021.
- ↑ "Edgar Allan Poe". Silent Era. Besoek op 2 Januarie 2014.
Eksterne skakels
[wysig | wysig bron]
Wikimedia Commons het meer media in die kategorie Edgar Allen Poe (rolprent).
Wikiquote het aanhalings deur Edgar Allen Poe (rolprent).- Edgar Allen Poe (rolprent) in die Internet-rolprentdatabasis
