Eduard de Waal

Eddie de Waal is ’n Afrikaanse skrywer en die ouer broer van die skrywer Johann de Waal.

Lewe en werk

Eduard Hugo de Waal is in 1955 te Eldoret in Kenia gebore. Sy voorouers vestig hulle in 1909 in Kenia kort na die verwoesting van die Anglo-Boereoorlog in Suid-Afrika op soek na ’n beter lewe vir hulle nageslag, maar die familie keer terug na Suid-Afrika nadat onafhanklikheid aan Kenia toegestaan word in die sestigerjare. In 1972 voltooi hy sy matriek aan die Hoërskool Eshowe in Natal. Op skool is hy aktief in drama en speel onder andere ’n hoofrol in die skool se opvoering van “Dienie speel toneel”. Hy studeer verder aan die Universiteit van Pretoria, waar hy in 1977 die B.A.-graad en later ook die B.A. Honneurs-graad en die Hoër Onderwysdiploma verwerf. Hierna studeer hy verder in die Teologie en behaal in 1999 sy M.D.-graad in die Nuwe Testament.

Skryfwerk

“Aan die wilde olyf” is ’n studenteverhaal wat hoofsaaklik die universele spanning tussen goed en kwaad uitbeeld. Die taalgebruik is die realistiese spraak van studente van die tyd, met die verhaal wat in episodes, somtyds kort en versplinter, weergegee word. Hy skryf ook kortverhale en “Die man wat gewag het op die vuur” word in Augustus 1986 in Tydskrif vir Letterkunde gepubliseer.

 Publikasies

Jaar	Publikasies
1980	Aan die wilde olyf

Bronnelys

Tydskrifte en koerante

• Anoniem “Eduard Hugo de Waal” “Tempo” 1 Oktober 1982