Egoli: Afrikaners is plesierig

in Wikipedia, die vrye ensiklopedie
Jump to navigation Jump to search
Egoli: Afrikaners is plesierig
Regisseur Bromley Cawood
Draaiboek Franz Marx
Met David Rees
Darren Kelfkens
Verspreider Nu Metro
Uitgereik 2010
Speeltyd 103 minute
Land Suid-Afrika
Taal Afrikaans
Voorafgegaan deur Egoli: Plek van Goud

Egoli: Afrikaners is plesierig is 'n oorwegend Afrikaanse vollengte rolprent met Engelse onderskrifte wat op 16 Junie 2010 in teaters in Suid-Afrika begin draai het. Die rolprent is vervaardig nadat die laaste Egoli TV-sepie op 31 Maart 2010 uitgesaai is.[1] Die rolprent het 'n ouderdomsperk van 13GT (geweld, taal). Die skrywer en vervaardiger is Franz Marx, die regisseur is Bromley Cawood en die hoofrolle word deur David Rees en Darren Kelfkens vertolk.

Marx was gekant teen die vertoon van Engelse subtitels omdat hy glo dat dit meer steurend op die grootskerm as op televisie is. Nu Metro het egter aangedring dat subtitels vir Engelse kykers aangebring word omdat die rolprent meer Afrikaans as die TV-reeks bevat.[2]

Genre[wysig | wysig bron]

Die rolprent is 'n drama.

Rolspelers[wysig | wysig bron]

Storielyn[wysig | wysig bron]

Niek en Joe doen saam diens op die grens. Na 'n hinderlaag vind 'n skietongeluk plaas wat die twee se lewens later beïnvloed. Sake soos kinderhandel, prostitusie, swart ekonomiese bemagtiging en emigrasie word in die rolprent aangespreek en oefen 'n invloed op die karakters uit. Die rolprent eindig met 'n skietvoorval op 'n wolkekrabber in Johannesburg, waarna die twee vrede met hulle verlede maak.

Sien ook[wysig | wysig bron]

Verwysings[wysig | wysig bron]

  1. Nog nie die laaste sien van Egoli nie!, Huisgenoot, URL besoek op 9 Mei 2010.
  2. KKNK: Egoli vat 'n hit vir Afrikaans, besoek op 20 Junie 2010.

Sien ook[wysig | wysig bron]

Eksterne skakels[wysig | wysig bron]