Eie risiko- en solvabiliteitassessering

in Wikipedia, die vrye ensiklopedie
Jump to navigation Jump to search

Eie risiko- en solvabiliteitassessering (ERSA) is 'n versameling prosesse vir besluitneming en strategiese analise vir versekeraars en vorm die kern van die solvabiliteitsraamwerke wat gedurende die 2010's wêreldwyd in versekeringsmarkte ingefasseer word. Die doelwit van ERSA is om die algehele solvabiliteitsbenodighede van 'n versekeraar op 'n deurgaanse en vooruitskouende wyse te assesseer deur daardie versekeraar se spesifieke risikoprofiel in ag te neem. Dit is deel van 'n sikliese en iteratiewe stelsel wat die raad van direkteure sowel as die werknemers, veral seniorbestuur, interne oudit, en interne kontrole, betrek.

Regulasie definieer die begrip ERSA breedweg om versekeraars aan te moedig om hul eie interne raamwerke vir kontrole en risikobestuur te bevraagteken. 'n Versekeraar se ERSA moet bondig, maklik gewysig en in lyn met die beginsels van wesenlikheid en eweredigheid wees. Vanuit 'n operasionele oogpunt gesien, vorm ERSA deel van die globale bedryfsrisikobestuurproses.

In Suid-Afrika vorm ERSA die kern van die Solvabiliteitassessering en -bestuursriglyn en in Europa van die Solvabiliteit II-riglyn. In die Verenigde State is 'n soortgelyke regulasie met die naam Risk Management and Own Risk and Solvency Assessment ingestel;[1] ander regsgebiede vaardig soortgelyke regulasies uit om te voldoen aan Versekeringskernbeginsel 16 van die Internasionale Versekeraartoesighouergenootskap (International Association of Insurance Supervisors, IAIS).[2]

Pilaar 2 van Solvabiliteit II[wysig | wysig bron]

Die tweede pilaar van Solvabiliteit II (Solvabiliteitassessering en -bestuur, SAB, in Suid-Afrika) vul die kwantitatiewe kapitaalvereistes met kwalitatiewe vereistes en 'n globale en toepaslike risikobestuurstelsel aan. Hierdie hervorming voorsien versekeraars van bedryfsbestuur-, internkontrole- en internouditmaatreëls om te sorg dat gesonde en omsigtige bestuurspraktyke by versekeraars in plek is. Risiko- en solvabiliteitimpakte behoort in hierdie raamwerk na boontoe in die bestuurshiërargie te vloei. Die interne assesseringsproses van risiko en solvabiliteit is die ERSA en vorm die hoeksteen van hierdie pilaar.

Sien ook[wysig | wysig bron]

Verwysings[wysig | wysig bron]