Ek joke net! 2

Ek joke net! 2 is 'n 92-minuutlange Afrikaanse komedie wat in 2014 vrygestel is.^[1] Die film is deur Stefan Nieuwoudt geregisseer met 'n draaiboek deur Stefan Nieuwoudt, Hannes Brümmer, Dries Scholtz en Danie Bester. Die film is vervaardig deur Danie Bester en Dries Scholtz.^[1]

Sinopsis

Ek joke net! 2 is 'n poetsbak-film, waar die Komiese Akteurs Kommissie (K.@.K) elke individu as 'n potensiële teiken beskou. Dit sluit in studente wat onverwags in die middel van 'n klopjag beland, 'n blinde man wat raad benodig tydens die aankoop van kondome, videowinkel-assistente wat pornografiese films in kliënte se DVD-houers ontdek, en selfs 'n prominente Suid-Afrikaanse rockgroep wat deur die polisie bedreig word.^[1]

Rolverdeling

Die rolverdeling is Yolandi Malherbe, Solomon Cupido, Hannes Brümmer, Lelia Etsebeth, Richard Lukunku, Thokozani Ntuli, Altus Theart, Leandie du Randt, en Donnalee Roberts.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]